鳴虎 (新城市廣場三期) (裝修中)

天氣濕熱，想食d辣味刺激下。同媽咪行開一田百貨，見到呢間小店。店舖雖小，只有吧枱位但企理乾淨，職員服務態度也好。特濃赤口拉麵🍜我胃口不佳想食辣🔥但又怕太辣，要求少辣。拉麵係湯底嘅靈魂，呢度湯底夠濃郁，端上枱已聞到濃郁豬骨湯底香味，橙紅色湯底好惹味，辣度係越食越辣，配搭3大塊厚厚的叉燒，雲耳，還有充滿彈牙的麵條和滑溜溜的流心蛋，會上癮的味道，好豐富的口感。博多黑蒜油拉麵🍜未食聞落去已經有濃烈的黑蒜油味，媽咪讚湯底入口鮮香，濃而不膩，叉燒肉大嚿，咬落去充滿肉香和油香，滿足。