影片
更多
2022-04-24
333 瀏覽
之前一直都好想試半島嘅下午茶但係一直都冇時間。機緣巧合之下，我同朋友某日閒日都得閒，朋友提議嚟呢度食下午茶，就係咁，我哋決定咗試吓Walk in，睇吓有冇位。朋友兩點前就已經到咗，職員話俾我朋友聽下午茶係可以預約嘅，2:30先開始，可以幫我哋留咗枱先，到時有枱就打俾我哋。由於時間都唔係相差太遠，我同朋友喺大堂度等咗陣，到過咗2:45 ，職員都冇打嚟，我朋友就去餐廳問吓，佢都有位俾我哋。雖然冇咗自由行就唔使大排長龍，但係閒日嘅半島下午茶依然有好多捧場客。依度嘅樓底好高，所以感覺舒服，而且某啲角度影相亦都係靚嘅（但係人比較多，所以要自己就位）。我自己覺得比較唔好嘅一點係張枱比較細，又或者正確啲來講，係張枱同個下午茶架唔係好合比例。個下午茶架比較大，加埋兩個茶壺、兩個茶杯加上枱面嘅一啲裝飾，真係比較迫左啲。食物質素比我想像中好（定係因為我實在太冇期望？ ）我最鍾意食佢嘅鬆餅，鹹點亦都幾好食，甜點就某一啲好食某一點冇咁好味 （但係呢個可能係因為我當時已經飽咗）飲品我叫了花香茶，係香同埋甜嘅，我自己覺得幾好飲，但係就唔啱一啲怕甜嘅人啦。服務生們俾人嘅感覺都係專業嘅，對得住佢嘅酒店品牌。可惜嘅係我
朋友兩點前就已經到咗，職員話俾我朋友聽下午茶係可以預約嘅，2:30先開始，可以幫我哋留咗枱先，到時有枱就打俾我哋。
由於時間都唔係相差太遠，我同朋友喺大堂度等咗陣，到過咗2:45 ，職員都冇打嚟，我朋友就去餐廳問吓，佢都有位俾我哋。
雖然冇咗自由行就唔使大排長龍，但係閒日嘅半島下午茶依然有好多捧場客。依度嘅樓底好高，所以感覺舒服，而且某啲角度影相亦都係靚嘅（但係人比較多，所以要自己就位）。我自己覺得比較唔好嘅一點係張枱比較細，又或者正確啲來講，係張枱同個下午茶架唔係好合比例。個下午茶架比較大，加埋兩個茶壺、兩個茶杯加上枱面嘅一啲裝飾，真係比較迫左啲。
食物質素比我想像中好（定係因為我實在太冇期望？ ）我最鍾意食佢嘅鬆餅，鹹點亦都幾好食，甜點就某一啲好食某一點冇咁好味 （但係呢個可能係因為我當時已經飽咗）
飲品我叫了花香茶，係香同埋甜嘅，我自己覺得幾好飲，但係就唔啱一啲怕甜嘅人啦。
服務生們俾人嘅感覺都係專業嘅，對得住佢嘅酒店品牌。可惜嘅係我進入酒店嘅時候，開門俾我嘅工作人員就比較唔專業啦，嗰位工作人員用命令嘅口吻命令我要掃安心出行app，我個人認為呢個口吻係完全冇必要，我去其他嘅酒店品牌亦都冇遇過同樣嘅情況，通常其他酒店職員都係會唔該前唔該後（「掃安心出行呀，唔該」「麻煩你掃一掃安心出行」）。我知道我個樣比較細個，係咪咁樣代表我就唔肯掃code? 我知道餐廳以外嘅嘢唔可以算係餐廳嘅問題，但係的確會影響咗整個去餐廳嘅體驗，希望酒店可以注意這一點。
The Peninsula Afternoon Tea
$878
24 瀏覽
0 讚好
0 留言
張貼
