蟲二

營業中

休息中

我們食午市，見到一汁三菜都好特別。我哋叫左大阪燒風味黑胡椒烤雞塊。雞塊很嫩滑，而且醃得入味，雞塊上面的醬汁，酸酸的，都好開胃。底層有野菜薯仔簿班戟，有口感，食到粒粒薯仔。前菜是野菜凍糕，紫色好夢幻，蔬菜很新鮮。高湯是鰹魚昆布茶湯，咸鮮的魚香，襯熱飲更佳，仲有慢煮蛋，倒進飯一併進食好滑溜。個飯有營養又養生，杞子醬油，日本米，我喜歡食軟身的飯，加多少少湯就好味道。老公食半湯烤五花腩片冷麵，冷麵轉左滑溜的讚歧烏冬，芝麻香蒜油很惹味，烤五花腩肥瘦適中，火炙得有燶邊效果，同埋很大塊。甜品有黃豆粉蕨餅紅豆配雪糕，蕨餅煙韌香糯，雪糕奶味香濃，仲有香甜的紅豆，冰涼又甜蜜。洛神花水果茶酸酸甜甜，仲有薄荷芳香，真係透心涼。