蟲二

在旺角喧鬧的街道上，找一處讓心平靜下來休息的地方。<蟲二>是一個不錯的選擇，位於旺角上海街618號頂樓。晚上與朋友在618創意巿集閒逛後，便到主打日本飲食文化的餐廳 <蟲二>吃晚飯。升降機門打開向右轉就看見木牌刻著 「蟲二」二字，餐廳分了室內和室外區域，室外掛燈很有情調，很適合情侶和三五知己暢談言歡。 我們選擇在室內坐下，看了餐廳便點了兩份餐廳主打招牌「一汁三菜」套餐和一份甜品 - Tiramisu Cake。「一汁三菜」套餐共有六款主菜供選擇，毎份套餐除了主菜外，還有一份高湯、一碗杞子醬油飯、一份日本慢煮蛋、一份前菜和一杯焙茶。前菜是酸酸的漬物，很醒胃。杞子醬油飯很香，嚐一口後，淋上高湯和忌廉狀的蛋黃，拌勻的飯粒更香滑，味道好好。一汁三菜 ~ 烤芝士漢堡扒伴海苔肉鬆主菜烤芝士漢堡扒共有兩塊，用上雞肉、牛肉和豬肉製成，厚身、肉質鬆軟，且肉汁多，還有紫菜和肉鬆，口感豐富。一汁三菜 ~ 大阪燒風味黑胡椒烤雞塊主菜大阪燒風味黑胡椒烤雞塊，的確如餐名所言「大阪燒」，上層滿是鏗魚片；中層是雞塊煎得香脆之餘，仍保留肉汁，充滿黑胡椒味；下層是「大阪燒」- 蔬菜煎餅。三層不同口感，看出廚師用心創意製作。甜品 ~ Tiramisu Cake點了「一汁三菜」套餐可以優惠價加配甜品，蛋糕質感輕盈香滑，有濃郁咖啡和奶酪，甜度適中。…查看更多

蟲二下午茶Cafe是個令人驚覺自己原來食量可以好驚人的異度空間。甜品確實令人失望，明明衝住"signature"先點落去諗住可以打橫躺平，但放在面前的完全唔係梳乎厘班戟，而係無火焰的火焰雪山加用酒浸泡完但無拎去煎的發涱麵包, 一點空氣感都沒有, 明明是麵包,不明白它哪一點是梳乎厘班戟, 味道還好, 有朱古力味和酒香, 不會太嗆, 是可以的, 但雪糕普通, 原味, 雲呢嗱味都吃不到, 沒怎麼加分, 而且加水果有點格格不入, 如果用的是朱古力雪糕味道會更濃郁。以118元來說, 份量少, 不夠飽, 材料又沒有很上乘, 味道亦沒有很好, 真是不建議點, 想吃的話可以試試另一間點,  這真的說不上是signature. 可能各人口味不同反而另一道麵包料理則超水準發揮。原本對佢無期望，因為薄切豬肉﹑玉子燒加酸種包本身就好難做得好食，但味道調得相當好，煎脆的厚切酸種包(這個居然有煎脆)加上甜甜辣辣的秘製醬，真係好好食。玉子燒不厚切都沒有切爛, 真心高技術, 但份量都日比較少, 只是輕食, 不夠飽, 收費都不便宜, 都要145元, 還要加一。而且沙律菜的味道有點不太新鮮, 但主體是很好吃的, 值得推介。結論是觀塘cafe有實力，又抵食。旺角cafe則精緻兼環境舒適。…查看更多

今次再度encore蟲二😋兩三個朋友想聚吓傾吓偈，食吓野，蟲二絕對係一個唔錯嘅選擇🥰🍱一汁三菜一汁三菜係指有一份高湯同三份菜包括杞子醬油飯、日本慢煮蛋同埋主菜。基本上每一枱客點都會有叫呢個，佢有6個主菜選擇，而且係整整齊齊嘅日式料理，令食客都感覺到錯😌🔹C 烤芝士漢堡扒伴海苔肉鬆呢個漢堡扒有2嚿，係用牛肉同豬肉整嘅，2種肉mixed埋一齊口感唔錯，勁淋，上面放咗芝士而且勁多肉汁😍下面有紫菜同肉鬆墊住，夾埋一齊食好match，唔錯😋🔹D 清酒醬燒鰻魚 (+$15)呢個清酒醬燒鰻魚係必點！鰻魚好大條，而且好淋，冇乜骨，勁好食😋再加埋啲飯同溫泉蛋一齊食真係超好食🥰🔹E 櫻花蝦豆乳味噌豚肉高麗菜卷呢個豚肉高麗菜卷雖然有2大嚿同埋加咗啲櫻花蝦，但就比較清，一般，如果嗰日想食清淡啲，素啲，可以點呢個。🧁華田麻糬傳統班戟 $118麻糬班戟必叫，佢唔係好大嚿，但超多麻糬🤩麻糬好Q彈，好好食😋有好多華田粉係面，仲有個雲尼拿雪糕一齊食，好正🤤🥤柚肉檸檬蜜梳打 $58🥤冷泡洛神花水果茶 $58飲品就正正常常，都係啲好fresh，解膩之選😋食得heavy唔怕，飲翻啲清新嘅嘢飲就得…查看更多

早前mark咗好吸引嘅呢間，就趁天文台預告26-7-2025（Sat）好天，就book嚟呢間同老公呢晚食晚飯，我哋準時到達，店員話張枱埋𡁵單，我哋就等，等咗大約8分鐘至有。我哋睇完menu，就決定要：3. $32.50嘅櫻花忌廉草莓泡泡啤（冇酒精）呢個係叫一汁三菜包嘅飲品，轉冇酒精飲品就加嗰杯嘢嘅半價可就得。呢杯嚟到，睇到顏色係分咗3個層次，白，淡粉紅同紅，店員擺低時話要攪勻嚟飲。呢個我只飲到草莓味，稠杰度適中，亦會啜到櫻花。3分4. $135.00嘅半湯烤五花腩片冷麵，要讚岐烏冬如果要蒟蒻拉麵，價錢係$155.00。一端上嚟，就嗅住木魚味，而佢伴以wasabi，一食，烏冬口感好好爽口有彈性；五花腩片唔係太肥，啱我哋，wasabi同食，又幾好味。4分1. $128.00嘅十小麻辣花椒豚肉燒薯條餅即製須時約20-25分鐘，所以都好耐至到，見佢有多片青瓜舖上面，有心思，我撩起隻煎蛋後，發現冇豚肉，原來豚肉係混咗入薯餅裡面，而佢嘅口感好特別，但係都幾辣，不過解到膩，但攪到我係咁飲上面杯嘢。4分2. $150.00嘅一汁三菜中嘅大阪燒風味黑胡椒烤雞塊配野茶薯仔薄班戟嚟到後，我哋根據小木牌嘅指引去食，個飯我就覺得未煮透，仍有啲啲硬，加佢哋嘅慢煮蛋同湯，都唔會改善到。雞塊係一件過，唔算烤得好香，口感同味道都正常。而薄班戟呢？𠲖o家寫食評至留意到係野茶薯仔薄班戟，喺食嘅時候唔多覺同普通班戟有咩分別，只係厚啲啲。2.67分5. $90.00嘅200ml嘅阿童木成份有南高梅梅酒，宇治抹茶同鹽炙檸檬唔知點解呢個咁耐至到，同樣店員放低時話攪勻嘅飲，佢杯邊洒咗啲鹽，老公話飲𡁵鹹抹茶。我就試吓，第一口但俾我嘅感覺係甘苦味抹茶，之後飲到上面講嘅材料味道，酒精苦味好出，但濃度唔係好高。2分6. $108.00嘅桂花麻糬傳統班戟呢個後上，味道好清，清到幾乎食唔到桂花味，但老公話食到，而呢隻班戟口感比較實。2.5分其他：我23／7晚打電話去book位，冇人聽就留言，到翌日12點打去有人聽就book到，我亦問可唔可以book坐室外？職員答可以。我又問，如果落雨室外有冇嘢遮擋？佢答冇，到時落雨如果室內full晒冇位，就冇辦法俾我哋喺喥食，咁不如book住室內先，如果到時想轉坐室外，就提出，不過同樣，如果落雨，室內又冇位，就冇得食。啊，咁我book室內啦。book完就有條link send嚟確認已book位，重有佢哋嘅規條同menu，規條就有：留枱時間為10分鐘；6點前同後（入座時間計）嘅用餐時間分別限80同90分鐘；每位最低消費分別係每人一項食品／飲品，同每位$100.00（未計加一），大小同價，3歲以下小童例外；享同外來食物／飲品，收$150.00一項；客人用過嘅紙巾同牙簽，要自己帶走。鼓勵客人揀定嘢食同預訂。到25／7又send個message嚟，提醒如想取消booking，就按“取消‘’。我就喺25／7睇定menu揀定嘢食，26／7晚雖然冇落雨，但天氣又熱又翳焗，都係唔轉室內喇。我哋坐低後就即落單啦，點知店員問我喺邊喥睇menu？嗰啲冇lu喎。我答你哋條link。佢答啱啱改咗menu，叫我哋睇枱上嘅menu。抵食係2.7分…查看更多

今次我番工又過左旺角呢邊做野，又要同同事lunch去搵食，佢就帶左我黎上海街618呢度有間環境幾正既cafe嘆番餐😌餐廳環境好靚，有室外既用餐位置，都有室內，其實室外因為佢係天台層有幾陣風係幾舒服，但依家真係太熱，都係坐室內算🌴燒豚肉片慢煮蛋杞子飯（$110）呢份係一個茶漬飯黎，d豚肉燒得勁香，肉質彈牙，另外裡面有隻慢煮蛋，個樣似溫泉蛋，但佢就唔係爆汁既，佢個蛋黃係似忌廉狀，味道香濃🐷🍚一汁三菜：清酒醬燒鰻魚（$165）另外揀左一入一汁三菜系列，一汁係指茶漬飯既茶，三菜就包括前菜，慢煮蛋，主食，而呢個系列好處係可以任添飯添湯同埋前菜，不過就環同台都一齊叫一汁三菜先得，主食揀左燒鰻魚，原條燒鰻魚火候控制得幾好，少少濃邊，鰻魚汁又比得足，呢個系列仲有個牌仔推薦最佳食用方式，都幾特別😋紐約芝士蛋糕（跟餐+$40）跟餐可以加$40就有芝士蛋糕，賣相幾靚，蛋糕既芝士味濃郁，滿意呢個甜品🍰抹有你的咖啡（跟餐$32.5）佢地呢度唔同既同事都有創作左一款飲品，呢杯咖啡加入抹茶、花奶、牛奶、咖啡，咖啡微微帶有抹茶味，唔會太搶，咖啡味仍然係主角，而且好香滑🍵☕️呢間餐廳既環境同食物都好有質素，唯一係價錢貴，lunch都要$100以上，不過坦白講，環境同味道係搭救番，貴得黎我食完都係滿意地走，番工咁辛苦，對自己好d嘆番餐都要啦😛…查看更多

琴日約左個好耐無見嘅朋友去旺角行街，行行吓有啲攰就去咗位於旺角上海街618號頂樓的中日家庭料理咖啡屋——蟲二 Poach 食個lunch🥰呢到位於歷史建築活化項目的天台，擁有既有室內又有露天的空間，佈置文藝且綠意盎然，給予鬧市中一個寧靜、舒適的聚會環境😌佢哋主打主打「一汁三菜」日式便當，主菜如蒲燒鰻魚、醬燒鯖魚、芝士漢堡扒等，配以小菜和63度慢煮日本蛋、日本穀米飯及鰹魚湯，可以按說明層次品嚐。我就叫左大阪燒風味黑胡椒烤雞扒，呢款主菜用咗嫩滑多汁嘅雞肉做底，外皮煎到夠晒香脆，仲有少少焦香口感。一咬落去啖啖肉汁，食到停唔到口！上面再加埋啲沙律醬，creamy又濃郁，加多層次感，再撒上黑胡椒，味道惹味但唔會太辣，令成件事更加突出，真係好有大阪燒feel！最特別係雞塊底下仲放咗一塊牛油炒過嘅椰菜餅，蔬菜香氣加埋牛油香，好香口又有蔬菜清甜感，咬落去層次豐富，一啲都唔單調。總之無論視覺定味覺都幾吸引，係認真會食到開心又滿足嘅主菜！朋友叫咗芝士漢堡扒，入口 juicy，肉質厚身而軟腍，牛、豬、雞肉混合，調味恰到好處😍 漢堡扒表面覆蓋一層半溶芝士，與肉鬆、海苔融合，香氣四溢，芝士和肉鬆是最佳拍檔👍🏻 配有蟲二特調燒汁增添層次，味道鹹香不膩~佢哋為食客貼心地提供吃法說明卡，推薦先享用冷盤和副菜，然後主菜，最後以高湯拌飯收尾，讓每一口都體會到不同的味道層次🥰蟲二的「一汁三菜」其實唔只係食飽咁簡單，成個用餐過程都夠晒講究、帶出日式慢活 vibe。相比一般港式日式便當，蟲二份量足之餘，啲配菜、食法講求層次感同儀式感，成餐飯係用心慢慢享受，而唔係求快求方便咁食一餐，食完會想回味同推介俾朋友🫶🏼…查看更多

✨今次推薦和介紹一間在旺角區高人氣高評分的咖啡店就是蟲二(Poach)。今次逛街見天氣炎熱和行到累了，想找一個地方可以坐下休息又可以品嚐番飲咖啡，就決定來蟲二咖啡店。✨️咖啡店有室內和室外位置，也有榻榻米位置，地方大又寧靜。最近因為是中秋節，這裡擺放了多款中秋燈籠，幾靚😆✨️今次我們叫了一杯熱小白咖啡(Flat White) 和一杯熱摩卡咖啡(Mocha)。雖然他們製作的摩卡咖啡賣相沒有拉花精緻圖案，而是撒上了可可粉在咖啡旦。我飲得出他們的朱古力是用黑朱古力來製作，因為個杯底是非常苦和濃味😂而且是大杯裝🥳✨️Flat White 就有拉花心形圖案，細杯裝，飲落去有香滑的口感。✨️餐廳有免費書本可以在場內閱讀。而且，整體環境寧靜，好舒適的感覺。除了飲咖啡外，咖啡店仲有多款不同口味班戟，多款冷麵，牛肉湯鍋，多款日式便當等，可以考慮在此吃晚餐和午餐，也是不錯的選擇😂📍蟲二📍旺角上海街618號頂樓…查看更多

今日行經旺角，又嚟到呢間環境幾舒服嘅cafe。餐廳分開室內同室外，感覺開揚；室內光線柔和，座位寬敞，坐低傾偈幾放鬆。今次專登嚟試佢哋個特色湯撈醬油飯。熱辣辣嘅白飯淋上醬油，再打隻日本雞蛋落去，撈勻之後飯粒變得香滑，蛋漿同醬油嘅味道好夾。最貼心係餐廳提供免費添飯服務，對於我呢啲食量比較大嘅人嚟講，真係好抵食，完全唔使擔心唔夠飽。另外呢度都有甜品選擇，見到隔籬枱叫咗窩夫，都好足料咁，下次都想嚟試吓。整體嚟講，呢度嘅環境同食物都令人幾滿意，下次經過都會再嚟坐低食個飯，享受下悠閒時間。…查看更多

位於上海街618號頂樓的蟲二，鬧市中仍保留其獨特寧靜平和的氣息，令人可以放鬆心情，享受片刻寧靜，品嚐精緻的日式家庭料理。我和友人都揀選了一汁三菜定食。一汁：鰹魚昆布茶高湯，顏色呈清澈茶色，味道清淡，口感鮮美。副菜：醃漬牛蒡開胃前菜，酸酸甜甜，撒上黑白芝麻，爽脆口感又帶點芝麻香氣。慢煮蛋：使用日本生食級雞蛋以63度C烹煮成半熟狀，再加入蟲二蛋醬油。主菜：西京箱漬燒鯖魚，魚皮烤至焦脆香口，肉質軟嫩多汁，淋上檸檬汁，一點都不腥。主菜：清酒蒲燒鰻魚，香甜濃郁的蒲燒汁搭配清酒，平衡了油膩感，鰻魚肉質肥美軟嫩，鰻魚皮彈牙，膠質豐富。一飯：日本榖米杞子醬油炊飯，飯面有少少飯素調味，雖說有醬油，但味道清淡，不會過鹹，榖米口感比較乾身，含豐富膳食纖維、維生素和礦物質，感覺健康清淡，第一啖飯感受原味醬油飯的香氣，淋上高湯，拌著醃漬牛蒡吃，酸甜鮮美，再拌入日本慢煮蛋，蛋味香濃，口感更順滑濕潤，再搭配主菜食，另一番風味。一茶：焙茶，口感溫和順口，茶香四溢，感覺令口腔清新舒爽。追加和風冷豆腐：豆腐軟嫩，豆味香濃，搭配芝麻醬，柴魚片，清爽開胃。炒野菜：將椰菜、菇類、甘荀等各種蔬菜快炒而成的日式家常料理，蔬菜清甜爽脆，又帶有醬油的鮮味，簡單美味。蟲二 (旺角)旺角上海街618號頂樓#蟲二 #上海街618號 #旺角美食 #香港美食 #日式料理 #一汁三菜 #和風冷豆腐 #清酒蒲燒鰻魚 #西京箱漬燒鯖魚 #炒野菜 #香港探店 …查看更多

夜晚喺旺角搵到一個靜靜地嘅角落——蟲二。露天環境好靚，微風陣陣，成個人都放鬆晒 🌙🍃點咗一汁三菜定食，揀咗清酒醬燒鰻魚，仲有湯、飯、副菜同焙茶，出餐時仲有小指示牌教你最佳食用順序，好有儀式感 🐟🍚鰻魚燒得香，醬汁入味但唔會太濃，飯粒飽滿，湯清甜，整體配搭好舒服另外試咗唐揚炸雞，外脆內嫩，熱辣辣上枱，比想像中大塊同量多，配焙茶一齊食好解膩 🍗甜品揀咗酒鬼朱古力麻糬pancake，朱古力味濃郁，麻糬煙韌唔黐牙，仲有微微酒香，唔會太甜，啱晒大人味 🍫🥞整體出品穩定，環境舒服，係一間可以慢慢坐、慢慢食嘅小店。鐘意日式定食＋甜品嘅朋友可以試下…查看更多

今日同朋友仔亂行旺角撞咗入呢間叫「蟲二」嘅日式咖啡店🏮木系裝修好似瞬間去咗京都咁✨🍱「一汁三菜」定食▫️烤芝士漢堡扒：肉汁大爆發💥＋拉絲芝士🧀▫️海苔肉鬆：鹹香脆脆似食緊棉花糖☁️（白飯小偷警報！忍唔住扒晒成碗飯🍚）定食擺盤靚到好似藝術品 相機食先300張📸棒棒餃子雞軟骨+豚肉驚喜小食組🍡麻辣豚肉燒薯餅🌶️🥔辣妹與暖男結合蕨餅小雪杯🍨黃豆粉瀑布+奶凍DuangDuang～個蕨餅杯可愛到想成杯拎返屋企收藏😭少女心爆炸💖大家出開旺角真係要黎試下～～…查看更多

旺角有咩Cafe推介啊⁉️今次個frd帶我食上海街隱蔽嘅餐廳☕️。主食：🧀烤芝士漢堡扒伴海苔肉鬆$150漢堡扒外焦內嫩，芝士融化得岩岩好，仲可以「一汁三菜」，有3️⃣種食法，各有風味。🍜大根叉燒烏冬 $110烏冬嘅口感滑順，湯底濃郁，叉燒肉質鮮嫩，而且白蘿蔔嘅清新幫成碗烏冬增添風味🤩👍🏻。飲品：🍫伯爵可可 $65香濃可可同伯爵茶嘅結合，口感獨特，甜度適中😋。🍵抹有你的奶啡 $65抹茶嘅清香同牛奶嘅滑順完美融合，好適合鍾意抹茶嘅人士😍。甜品：🍰Tiramisu Cake $70Tiramisu 口感輕盈，咖啡同奶酪Mix得岩岩好，甜而不膩🥰。蟲二 📍：旺角上海街618號頂樓…查看更多

蟲二環境簡約舒適，坐得幾舒服 😊所以如果經過旺角都會周不時上去坐下，我哋叫咗一汁三菜系列嘅西京箱清燒鯖魚（$150）同清酒醬燒鰻魚（$165），兩款都配搭得宜，份量啱啱好。西京箱清燒鯖魚入口鮮香，魚皮燒得香脆，肉質嫩滑，西京醬嘅甜味同鹹香好平衡，唔會搶咗鯖魚嘅鮮味。清酒醬燒鰻魚就更驚喜，鰻魚肥美，醬汁帶點酒香，甜而不膩，烤得外脆內軟，超滿足 😋。一汁三菜嘅賣點係靈活嘅食法：我試咗加慢煮蛋撈飯，蛋黃濃郁同飯混和，口感豐富；後來加咗鰹魚昆布茶高湯變湯飯，清甜嘅高湯好開胃，暖笠笠好有幸福感。副菜方面，燉煮蔬菜同小份漬物都清新可口，平衡主菜嘅濃味。整體黎講，蟲二嘅一汁三菜系列味道同創意都令人滿意，會想再返嚟試其他菜式！如果下次high tea嘅話會食埋佢地個甜品😋推介俾鍾意日式定食嘅朋友 🍚…查看更多

第二次嚟旺角上海街頂樓呢間蟲二， 仍然保持高水準美食 蟲二由做pancake起家， 固然pancake好食，（上次食過）但今次就唔試pancake，食其他嘢。今次餐單：🍱 一汁三菜配汁燒三文魚燒得啱啱好嘅三文魚外脆內嫩。配埋三款小菜、白飯同熱熱地嘅高湯，簡單但有質素。 注意三文魚係 魚鰭（ 胸鰭）位置， 前部分有肉，後部分比較多骨。🍜 半湯豚肉冷烏冬夏天食就一流。烏冬爽滑冰涼，豚肉鹹香啱啱好，食落開胃，打卡又好睇。🥤 柚肉檸檬蜜梳打柚子加檸檬嘅清香，又有汽水嘅刺激感，飲完即刻refresh晒。🍰 Tiramisu Cake層層口感細膩又唔會太甜，食完主菜加返件甜品收尾就完美。📸 環境／影相打卡位：📍 室內裝修清雅，燈光柔和，富文青感，影人影食物都一流。🌇 天台戶外位可以望晒成個旺角景，夜晚影相靚同浪漫感。…查看更多

「一汁三菜」其中一份主菜+$15升級清酒鰻魚，入口酒味唔算突出，有少許細骨，不過唔影響進食另一份主菜揀大阪燒雞扒，肉質幾嫩，略厭黑胡椒太多，而墊底嘅班戟口感幾濕潤軟熟，仲帶少少蔬菜清甜前菜應該係會日都會有啲唔同，當日食嘅係炒土豆絲，不過套餐整體份量唔多，好嘅係若果全台人嗌返呢款套餐就可以任添飯、高湯，佢地杞子飯口感黏度高，落湯之後帶起一種甜味另外，天台位置仲裝咗啲燈仔，夜晚過嚟食著曬燈都幾有feel…查看更多