桂花小幸 (元朗廣場)

營業中

休息中

雖然下個月去台灣，但都係好想食台灣菜，係元朗廣場呢間桂花小幸，好多時都要排隊，今日可以直入，好好彩！好，坐低睇下有咩好食先。麻辣雞扒台灣麵，台灣麵好QQ，湯底又香濃。雞扒份量好多，炸到脆卜卜。紫菜魚丸湯，紫菜好爽口，個湯唔會過咸。紅燒三寶牛肉定食配上湯浸時菜，有牛腩牛筋牛肚，超入味，尤其是個牛肚，有咬口又索汁。椒鹽花枝丸，炸到金黃脆身，外皮有椒鹽香味，裡面花枝丸肉質彈口。黑糖珍珠鮮奶，鮮奶有奶香，珍珠做得同錯，好Q彈。黑糖仙草鮮奶，仙草滑嘟嘟，配黑糖都好夾。