Mint & Basil (海堤灣畔)

營業中

休息中

之前都有黎過東提灣畔，知道呢到附近有幾間Bar and Restaurant，仲有得坐Outdoor，無論係氣氛定環境都100分。今次係眾多餐廳之間揀左呢間Mint & Basil，本身以為係泰國菜🇹🇭但點知連越南🇻🇳同印度🇮🇳野都有，一次滿足3個願望。泰式青檸辣椒汁蒸魚呢款個汁好出色，辣得黎仲有層次，唔會一味只有辣同酸，反而係帶翻出魚既鮮味，魚蒸既時間都岩岩好，配埋個汁令人一啖接一啖。雞肉煎餅 係出面都好少機會接觸到Indian Food，除非特登去食，今次都係我第一次食呢款煎餅，係中間夾雜住雞蛋，紫洋蔥，同雞肉，有啲台式蛋餅既感覺，幾特別。越式炸香蕉呢個係甜品黎，外層有啲似麵包包住香蕉再炒，旁邊有碟糖漿點，熱辣辣外脆內軟，on top仲有啲杏仁片脆脆。