影片
更多
2023-10-08
351 瀏覽
講到話係美芝蓮級嘅Pizza店進註香港，當然要嚟試吓。舖頭唔難搵，位於轉角位，有勁大個招牌寫住Alice Pizza。店員清一色都係外國人要講英文。佢有個menu寫晒有咩款式同埋有啲咩材料，不過其實都唔知邊隻打邊隻。同埋佢有啲太亂啲，食物牌都冇擺得好清楚，直接指果款pizza比佢哋睇就已經可以。12:30左右去到已經見到門外有人排隊，啲Pizza正正方方擺滿晒都真係花多眼亂，唔知食邊款好。我哋點餐都係只比店員要邊款，佢一般都會切一個長方形size，然後拎上去磅重，你大概睇吓個gram數，佢每款嘅價錢都有啲唔同，講真佢切幾多其實都冇咩大分別，你又唔會話要細少少/指明要幾多gram咩。最後張單睇到佢一切左幾多gram數再乘返價錢，都唔差太遠。你揀好晒Pizza，佢收埋錢，就會將pizza擺喺後面個焗爐度焗返熱佢。所以一開頭唔知會見到佢將幾款唔同嘅Pizza擺晒係一個盤到，焗完佢會攤一陣先再比客人。餐廳呈一個長方形，買完野食可以係入面坐，都有十幾個位置，不過座位都比較窄。佢另一邊仲有塊長板for客人可以企係到食。最欣賞嘅係佢最後面有一個洗手盆，然後左右面分別各有一個洗手間。即使堂食都唔怕食到
講到話係美芝蓮級嘅Pizza店進註香港，當然要嚟試吓。舖頭唔難搵，位於轉角位，有勁大個招牌寫住Alice Pizza。
店員清一色都係外國人要講英文。佢有個menu寫晒有咩款式同埋有啲咩材料，不過其實都唔知邊隻打邊隻。同埋佢有啲太亂啲，食物牌都冇擺得好清楚，直接指果款pizza比佢哋睇就已經可以。
12:30左右去到已經見到門外有人排隊，啲Pizza正正方方擺滿晒都真係花多眼亂，唔知食邊款好。
我哋點餐都係只比店員要邊款，佢一般都會切一個長方形size，然後拎上去磅重，你大概睇吓個gram數，佢每款嘅價錢都有啲唔同，講真佢切幾多其實都冇咩大分別，你又唔會話要細少少/指明要幾多gram咩。最後張單睇到佢一切左幾多gram數再乘返價錢，都唔差太遠。
你揀好晒Pizza，佢收埋錢，就會將pizza擺喺後面個焗爐度焗返熱佢。所以一開頭唔知會見到佢將幾款唔同嘅Pizza擺晒係一個盤到，焗完佢會攤一陣先再比客人。
餐廳呈一個長方形，買完野食可以係入面坐，都有十幾個位置，不過座位都比較窄。佢另一邊仲有塊長板for客人可以企係到食。最欣賞嘅係佢最後面有一個洗手盆，然後左右面分別各有一個洗手間。即使堂食都唔怕食到隻手污糟，可以即刻洗手。
講返啲pizza, 兩個人叫左五款，其中兩款係素食。
首先先講咗佢個餅底，基本上每款Pizza個餅底都係薄脆果種，我個人係幾鍾意嘅，但我會覺得佢脆得來有啲太乾身，有種偏向餅乾底嘅感覺。
- eggplant ⭐️
見佢一片片嘅茄子係面，有啲吸引，但食落去一啲茄子嘅香味都冇，味道偏淡，同埋佢係好薄，所以都冇乜口感。
- margherita ⭐️⭐️⭐️
係一款最穩陣嘅芝士pizza，味道冇話特別出色，中等啦。
- diavola ⭐️⭐️⭐️⭐️
意大利辣肉腸呢款係最正路，中辣級，但最好味係依款
- potato ⭐️⭐️
薯仔依款佢係有啲層次一片一片咁樣疊上去，有啲口感，不過味道都係偏淡。
- pepperoni ⭐️⭐️
依款都係意式香腸，不過係唔辣，同埋超級鹹，接近有金華火腿咁鹹，搞唔掂。
人均$137.5，可以接受，夠飽肚，可以一次過試到幾款pizza其實都幾過癮，不過味道很一般，試下算啦。
張貼
