影片
更多
2018-08-19
404 瀏覽
已經幾個月冇食過韓燒，一年冇食過放題，心痕痕左好耐，就揀左元朗好出名既校長燒肉日韓料理，貪佢一次過可以滿足兩個願望嘛😋😋同朋友預先book左位，一去到門口既經理哥哥就充滿笑容咁歡迎我地，未食已經好心情。7點45分後成人每位$198，價錢算合理。我地坐門口位，好近bar枱，拎野食勁方便，我當然一馬當先走出去睇下有咩野食啦！近門口位有個刺身櫃，刺身種類繁多，三文魚、蟹棒、希靈魚等一應俱全，即叫即切。行過少少就係自助醬油區，單係唔同既汁醬配料已經過十種…我就拎左燒肉汁+蒜蓉豉油，原本自己張枱都有日本椒鹽、七味粉等提供，真係總有一款岩口味👍仲有唔同冷盤供應燒肉區既選擇起碼有30款啊，最吸引我既就係牛五花同豬五花，大大片，油脂分布平均，我最怕就係啲肉已經霉霉爛爛，校長既肉類就冇咁個情況，每一片都完整無缺~bar枱會有卡片對應唔同食物，起碼可以知自己食緊咩嘛😂😂當然，得肉類係唔夠架，呢到仲有海鮮，例如蝦，青口，魷魚，扇貝，龍利柳都有。我同朋友都係食肉獸，所以都冇燒到蔬菜，不過我見蔬菜都唔少，矮瓜、秋葵、三色椒等等…肉類refill得快，唔怕比人夾哂聽職員講加$7可以無限換牛油紙黎燒野食，加左覺得都
同朋友預先book左位，一去到門口既經理哥哥就充滿笑容咁歡迎我地，未食已經好心情。7點45分後成人每位$198，價錢算合理。
我地坐門口位，好近bar枱，拎野食勁方便，我當然一馬當先走出去睇下有咩野食啦！
近門口位有個刺身櫃，刺身種類繁多，三文魚、蟹棒、希靈魚等一應俱全，即叫即切。
行過少少就係自助醬油區，單係唔同既汁醬配料已經過十種…我就拎左燒肉汁+蒜蓉豉油，原本自己張枱都有日本椒鹽、七味粉等提供，真係總有一款岩口味👍仲有唔同冷盤供應
燒肉區既選擇起碼有30款啊，最吸引我既就係牛五花同豬五花，大大片，油脂分布平均，我最怕就係啲肉已經霉霉爛爛，校長既肉類就冇咁個情況，每一片都完整無缺~bar枱會有卡片對應唔同食物，起碼可以知自己食緊咩嘛😂😂當然，得肉類係唔夠架，呢到仲有海鮮，例如蝦，青口，魷魚，扇貝，龍利柳都有。我同朋友都係食肉獸，所以都冇燒到蔬菜，不過我見蔬菜都唔少，矮瓜、秋葵、三色椒等等…肉類refill得快，唔怕比人夾哂
聽職員講加$7可以無限換牛油紙黎燒野食，加左覺得都唔錯，一來冇咁多油彈出黎，二來真係少左九成焦黑既鑊燶，職員好細心，基本上每燒一round都會幫手換紙👍👍
燒肉唔會得一個味，係有用心醃過架😍點埋燒肉汁真係冇得輸~
牛花腩、一口牛、雞軟骨、豬頸肉都好好食
扇貝大大粒，都好新鮮，燒熟離殼就可以食
豬五花、龍利柳、肉棒
龍利柳用香草醬醃得好入味，燒完仲好滑
其實仲有熟食區、湯水區、飲品櫃、雪糕櫃。最特別係雪糕櫃有益力多味雪糕球😮第一次見，口食雪梨既朋友可以食冰西瓜+冰菠蘿野飲都好多款，我就飲左消茶，可以中和食咁多燒肉既油膩感~
兩位埋單$443，離開時門口既經理哥哥仲係笑笑口咁幫我地拉門歡送我地出去nice service~
張貼
