影片
更多
2021-12-21
110 瀏覽
朋友贈我粉紅炸彈咁開心💞💣，我哋就當然要食好啲。網上見到佐敦同尖沙咀交界開咗間新嘅靚靚打卡餐廳「Potluck Eatery」，好彩我哋預先訂咗枱，否則Walk-in要八點半先有位，超高人氣呢！餐廳環境比想像中還要靚，臨近聖誕節🎄，門口位更設有滿滿節日氣氛嘅佈置。呢度佔地面積大，座位之間有一定距離，所以客人坐得舒服。餐廳提供晚市套餐🍽，一共有十款選擇，但價錢稍貴，計埋加一平均都要$300或以上。是日餐湯係蘑菇忌廉湯🍄，味道超濃郁，飲得出係用上大量菇菌打成。由於大大碗再加件蒜蓉包，飲完佢都已經飽咗三分一。芝士菠菜龍蝦蟹肉意粉卷($298)，意粉卷又名Cannelloni🍝，佢係由一大塊厚身麵皮包裹住海鮮餡料，配合埋微酸嘅茄醬食🍅，既鮮甜又開胃。菜式面頭有兩件天婦羅炸大蟹鉗，海鮮部份不僅如此，因為卷中間仲有龍蝦肉同拆蟹肉🦞，同時亦不乏菠菜，但芝士就相對較少。我對呢道菜非常滿意，一來好味道，二來夠特別，唯一挑剔嘅地方就係略嫌份量偏少，始終意粉含量低。炭燒法式豬鞍架伴紅桑子汁($348)，本身掙扎叫牛扒定豬鞍，但見豬有廚師推介就試吓👨🏻🍳。豬鞍處理得唔錯，肉味香濃，肉質細嫩唔嚡，厚切讓人品嚐
朋友贈我粉紅炸彈咁開心💞💣，我哋就當然要食好啲。網上見到佐敦同尖沙咀交界開咗間新嘅靚靚打卡餐廳「Potluck Eatery」，好彩我哋預先訂咗枱，否則Walk-in要八點半先有位，超高人氣呢！
餐廳環境比想像中還要靚，臨近聖誕節🎄，門口位更設有滿滿節日氣氛嘅佈置。呢度佔地面積大，座位之間有一定距離，所以客人坐得舒服。
餐廳提供晚市套餐🍽，一共有十款選擇，但價錢稍貴，計埋加一平均都要$300或以上。
是日餐湯係蘑菇忌廉湯🍄，味道超濃郁，飲得出係用上大量菇菌打成。由於大大碗再加件蒜蓉包，飲完佢都已經飽咗三分一。
芝士菠菜龍蝦蟹肉意粉卷
$298
8 瀏覽
0 讚好
0 留言
芝士菠菜龍蝦蟹肉意粉卷($298)，意粉卷又名Cannelloni🍝，佢係由一大塊厚身麵皮包裹住海鮮餡料，配合埋微酸嘅茄醬食🍅，既鮮甜又開胃。菜式面頭有兩件天婦羅炸大蟹鉗，海鮮部份不僅如此，因為卷中間仲有龍蝦肉同拆蟹肉🦞，同時亦不乏菠菜，但芝士就相對較少。我對呢道菜非常滿意，一來好味道，二來夠特別，唯一挑剔嘅地方就係略嫌份量偏少，始終意粉含量低。
炭燒法式豬鞍架伴紅桑子汁
$348
8 瀏覽
0 讚好
0 留言
炭燒法式豬鞍架伴紅桑子汁($348)，本身掙扎叫牛扒定豬鞍，但見豬有廚師推介就試吓👨🏻🍳。豬鞍處理得唔錯，肉味香濃，肉質細嫩唔嚡，厚切讓人品嚐到肉扒應有嘅口感🐷。此外，伴菜有烤新薯同車厘茄，兩樣食材簡單又美味。醬汁亦係值得一提嘅部份，紅桑子汁甜甜的，能夠刺激味蕾，並同豬扒好搭調🍒。
套餐附送甜品，出品並唔馬虎，🍫朱古力蛋糕甜度適中，兼且富有層次，其中有一層好冰凍，感覺似食緊雪糕蛋糕。
飲品方面，我哋要咗熱伯爵茶同凍檸茶🍵，凍飲加$3，但原來茶包茶只供熱飲，無冷泡。
總括嚟講，呢間西餐廳無令人失望，除咗有靚靚裝修之外，食物味道具高水準，擺盤富有心思✨，讓人回味無窮。同時，店員們服務態度親切有禮，抵讚👍。
張貼
