影片
更多
2022-07-15
624 瀏覽
呢個日式丼飯套餐好適合又為食又多心嘅吃貨！$168 +10% 有齊兩碗細丼飯、麵豉湯、漬蘿蔔、沙律同茶。細丼飯有好幾個不同款色可供選擇，有生有熟，一次過可以試勻兩款。我叫咗照燒鰻魚丼同炙燒丼，天氣咁熱，都係食熟食穩陣啲。雖然兩個丼飯話就話係細，但其實一啲都唔算細，仲勁多餸！鰻魚丼嘅鰻魚非常肥美，啲骨好柔軟，而照燒汁亦偏濃味，比其他店更甜一啲，仲有粒粒芝麻好咬口。至於炙燒丼就有仿蟹柳、三文魚同油甘魚各 2 條/片，魚肉都係 BB 仔手掌咁大片，一啲都唔欺場！魚肉炙燒嘅時間夠，基本有八、九成熟，好軟滑但又唔會過生或過熟。不過，啲 wasabi 就冇乜料到，一啲都唔攻鼻。嗱，真正嘅山葵我未食過，所以無從比較同評論。不過，怕 wasabi 攻鼻嘅人就唔使驚，我本身就唔怕嘅，所以直頭可以當抹茶雪糕咁食。🤣🤣
我叫咗照燒鰻魚丼同炙燒丼，天氣咁熱，都係食熟食穩陣啲。
雖然兩個丼飯話就話係細，但其實一啲都唔算細，仲勁多餸！鰻魚丼嘅鰻魚非常肥美，啲骨好柔軟，而照燒汁亦偏濃味，比其他店更甜一啲，仲有粒粒芝麻好咬口。至於炙燒丼就有仿蟹柳、三文魚同油甘魚各 2 條/片，魚肉都係 BB 仔手掌咁大片，一啲都唔欺場！魚肉炙燒嘅時間夠，基本有八、九成熟，好軟滑但又唔會過生或過熟。不過，啲 wasabi 就冇乜料到，一啲都唔攻鼻。嗱，真正嘅山葵我未食過，所以無從比較同評論。不過，怕 wasabi 攻鼻嘅人就唔使驚，我本身就唔怕嘅，所以直頭可以當抹茶雪糕咁食。🤣🤣
張貼
