一樂燒鵝

營業中

休息中

係中環要食燒鵝，除左鏞記外，仲可以揀只有一街之隔既一樂。今日又幾好彩，唔駛排隊，一去到就有位，但就真係坐得好迫，同隔離位真係手踭撞手踭望下隔離食啲乜，又循序睇睇個menu, 就叫左一碟鵝脾叉燒飯，一碗鵝脾瀨粉。一上枱，真係好過份囉！切開左既鵝脾佢都同我砌到原隻甘上碟，一見到對眼已經發左光，加埋一陣陣既燒鵝香味，我真係忍唔住要即刻食，但為左要影張靚靚張俾大家，我都忍多幾秒鐘！！！鵝皮脆 ，咬落去一口係油，肉質juicy,仲有一陣炭燒香味，鵝肉甘香， 不肥不瘦，湯不會好咸，食完真係好滿足！賣相*****味道*****價錢***至於個鵝脾叉燒飯，一拎上枱，我淨係見到隻脾同叉燒，滿到遮唒碟飯，啲飯撈埋燒鵝汁，真係無得彈，叉燒略兼瘦左啲，因為我中意半肥瘦！賣相*****味道****價錢***呢餐食得我地兩個都好高興，雖然100蚊食碗燒味瀨粉係貴左啲，但係都係偶然食下，性價比點都高過碗100蚊既拉麵。