影片
更多
2022-05-23
108 瀏覽
男朋友又帶我食好嘢啦，今日嚟到呢一間望住旺角遼闊景觀嘅西餐廳！新鮮生蠔氣氛咁好嘅環境下就係想叫啲美食襯托返，於是打頭陣就叫咗生蠔！上盤一共有六隻，都對得住價錢，當中仲分咗兩種，分別係愛爾蘭同美國品種。兩者都好新鮮，海水味濃，開得好，唔會有沙/殼碎。入口一款鹹鮮，另一款較creamy甜美，無太重鐵鏽味道，如果再厚身啲就更滿足了～香蒜蜜糖雞翼同樣一共六隻，呈現樣貌幾新穎，唔講以為係雞鎚～咁樣嘅處理方式方便客人食用，一嚟更容易拎住，二嚟又可以食到啖啖肉。第一啖咬落去雖然有醬汁裹住但超級熱同脆身，明顯即時製作，無翻火，好欣賞。口感同味道方面都幾似韓式炸雞嘅感覺，先係好甜嘅蜂蜜味，然後淡淡蒜蓉同牛油味就滲出，建議擠埋伴碟嘅檸檬調下味，更出色！慢煮黑毛豬鞍扒配意大利黑醋汁及牛肝菌醬擺盤精緻，用咗石榴粒同黑醋汁～豬鞍扒置中，下方鋪上菌類伴碟。切嘅時候已經感覺豬鞍扒十分軟嫩，橫切面呈現粉嫩顏色，又保留到肉汁。以慢煮方式處理確實唔錯，食落果真好淋，有適當豬味，越咬越香，肥瘦適中有恰當脂肪增添香氣。下層配菜份量不少，味道較清淡，整道菜色都唔會好重口味，可以凸顯豬胺最原本的味道，推薦。楓樹糖漿燒銀雪魚伴牛油
新鮮生蠔
氣氛咁好嘅環境下就係想叫啲美食襯托返，於是打頭陣就叫咗生蠔！上盤一共有六隻，都對得住價錢，當中仲分咗兩種，分別係愛爾蘭同美國品種。兩者都好新鮮，海水味濃，開得好，唔會有沙/殼碎。入口一款鹹鮮，另一款較creamy甜美，無太重鐵鏽味道，如果再厚身啲就更滿足了～
香蒜蜜糖雞翼
同樣一共六隻，呈現樣貌幾新穎，唔講以為係雞鎚～咁樣嘅處理方式方便客人食用，一嚟更容易拎住，二嚟又可以食到啖啖肉。第一啖咬落去雖然有醬汁裹住但超級熱同脆身，明顯即時製作，無翻火，好欣賞。口感同味道方面都幾似韓式炸雞嘅感覺，先係好甜嘅蜂蜜味，然後淡淡蒜蓉同牛油味就滲出，建議擠埋伴碟嘅檸檬調下味，更出色！
慢煮黑毛豬鞍扒配意大利黑醋汁及牛肝菌醬
擺盤精緻，用咗石榴粒同黑醋汁～豬鞍扒置中，下方鋪上菌類伴碟。切嘅時候已經感覺豬鞍扒十分軟嫩，橫切面呈現粉嫩顏色，又保留到肉汁。以慢煮方式處理確實唔錯，食落果真好淋，有適當豬味，越咬越香，肥瘦適中有恰當脂肪增添香氣。下層配菜份量不少，味道較清淡，整道菜色都唔會好重口味，可以凸顯豬胺最原本的味道，推薦。
楓樹糖漿燒銀雪魚伴牛油大蒜
魚件有份量，旁邊加上點大蒜，牛油味十分香濃。雖然魚係燒煮但完全無過火，魚肉依舊保持嫩滑。外邊塗抹上糖漿，烤後帶點焦香，甜甜地好惹味。而整道菜重點在於魚身本身質素良好，有適當油脂，一片片魚肉夾雜住一層層魚油，咬落係口入面融化嘅感覺簡直一絕，推薦！
值得一提係成個用餐經歷十分好！侍應態度良好，每食完一樣菜式都會主動換碟，定時觀察枱面嘅水杯幫客人添水，上菜都唔會疊住一次過出曬，加埋呢個環境同景觀，絕對會再來。
餐單如下
張貼
