小草十八怪

營業中

休息中

今次試咗油麻地一間主打石鍋米線嘅舖頭，真係好有驚喜！餐廳都算大，食物選擇多，而且樣樣都足料又好味，絕對係街坊隱世美食！ 我哋叫咗脆脆蝦多士做小食，外皮炸到金黃酥脆，蝦膠彈牙，蘸少少甜辣醬，超正！仲叫左個二人海陸拼盤，有雞肉、牛肉同魷魚鬚，全部醃得入味，燒到香噴噴，尤其魷魚鬚爽口彈牙，好惹味！另外仲叫咗瑤柱蒜蓉海鮮荷葉飯，荷葉香氣撲鼻，飯粒分明，海鮮份量足，瑤柱同蒜蓉味好夾，食落好滿足！ 重頭戲當然係十八怪招牌金湯過橋石鍋米線，湯底濃郁鮮甜，配料多到嚇親人——肥牛、花膠、海蝦、溫泉蛋、蟹柳、鯛魚片、翡翠苗、腐皮、韭菜、芽菜，樣樣都新鮮，米線吸晒湯汁精華，真係食到停唔到口！ 另外仲試咗九制陳皮炸雞，外皮脆到爆，陳皮味微微酸甜，好開胃！飲品方面，一桶水果茶真係勁大桶，生果新鮮，茶底清香，兩個人飲都夠晒；鴛鴦就香滑濃郁，完美配搭成餐飯！ 總括來講，呢間店食物質素高，份量足，價錢合理，絕對會再encore！