影片
更多
2017-10-22
96 瀏覽
最近公司真係好多野做，不過見一班朋友好耐無見所以幾攰都會出黎。大家食飯之前都一致決定要搵個靜靜地既地方傾計。呢間Homemadecafe之前都黎過，雖然地方唔算好大，但勝在人唔算好多可以坐得舒舒服服。呢間cafe都有幾多boardgame玩，原本諗住邊玩邊等遲收工既朋友，不過朋友最後好快黎到，所以今次就無玩到。本來我地想貪方便叫個4人combo，但睇完menu後，大家都想試多d唔同既款式，所以就決定散叫。呢個cafe叫野食既方式有d特別，就係要將想叫既菜式號碼寫落塊板仔度。呢個烤雞闊條麵 ($98) 裏面有好多雞肉，闊條麵彈牙得黎又唔會太硬，配埋個清清地既汁，食完之後唔會太膩。隔離個羅宋湯酸酸味味幾開胃，如果有多d菜就更加好啦!呢壺水果茶原價要$65，但因為叫左其他野食既關係，所以加$20就飲到。開頭我地都會擔心太多種生果擺埋一齊，個味道會唔會好怪呢？但出黎個效果又幾好，因為有水果既甜味，我地飲完唔會太口渴。我地4個人share——每個人飲左大約3-4杯，仲可以食埋裡面d果肉，呢個價錢算係好抵飲！呢餐飯最好食就係呢個綠茶窩夫($82)。個窩夫餅軟硬適中得黎仲係暖粒粒。我食個陣，將件餅切
呢間cafe都有幾多boardgame玩，原本諗住邊玩邊等遲收工既朋友，不過朋友最後好快黎到，所以今次就無玩到。
本來我地想貪方便叫個4人combo，但睇完menu後，大家都想試多d唔同既款式，所以就決定散叫。呢個cafe叫野食既方式有d特別，就係要將想叫既菜式號碼寫落塊板仔度。
烤雞闊條麵
$98
12 瀏覽
0 讚好
0 留言
呢個烤雞闊條麵 ($98) 裏面有好多雞肉，闊條麵彈牙得黎又唔會太硬，配埋個清清地既汁，食完之後唔會太膩。隔離個羅宋湯酸酸味味幾開胃，如果有多d菜就更加好啦!
水果茶
22 瀏覽
0 讚好
0 留言
呢壺水果茶原價要$65，但因為叫左其他野食既關係，所以加$20就飲到。開頭我地都會擔心太多種生果擺埋一齊，個味道會唔會好怪呢？但出黎個效果又幾好，因為有水果既甜味，我地飲完唔會太口渴。我地4個人share——每個人飲左大約3-4杯，仲可以食埋裡面d果肉，呢個價錢算係好抵飲！
綠茶WAFFLE
$82
29 瀏覽
0 讚好
0 留言
呢餐飯最好食就係呢個綠茶窩夫($82)。個窩夫餅軟硬適中得黎仲係暖粒粒。我食個陣，將件餅切細先後配左朱古力醬、忌廉同雪糕。我地發現，同件餅最夾既係雪糕，個種一冷一熱令到棚牙都痺埋既感覺真係好爽。如果唔係有4個人要一人一舊，我諗我會成碟食哂！
P.S 今次我地有好多野食要分，所以成日要額外再問個度d職員攞多d餐具，佢地每次都會好快應我地，同埋態度都唔錯。返左工成日最怕放左工都要受氣，所以今次既體驗真心唔錯！
張貼
