影片
更多
2023-01-20
275 瀏覽
🌟餐廳：Auntie AYI @wellwellwell📍地址：金鐘金鐘道88號太古廣場LG1樓002號舖💰價位：～$200 - $400⏰營業時間：星期一至日 11:30 - 15:00 / 17:30 - 22:00📱電話：2803 7881想享受傳統味道而又充滿驚喜既粵菜? 今日就約左一班朋友，黎到位於金鐘太古廣場既「Auntie AYI @wellwellwell」，等我就帶大家一齊穿越古今啦~適逢農年新年將至，餐廳特別推出「鮑魚 ‧ 三文魚撈起套餐」，我地一於應下節，揀左呢個套餐試一試~🌟鮑魚 ‧ 三文魚撈起六人套餐🌟🔹南非鮑魚 ‧ 三文魚撈起🔹紅棗螺頭燉雞湯🔹金沙大蝦碌🔹清蒸老虎斑🔹發財瑤柱脯伴玉掌🔹懷舊芝麻糖脆皮雞🔹賀年錦繡炒飯🔹陳皮紅豆沙湯圓———————————————————🔹南非鮑魚 ‧ 三文魚撈起「撈起」來自於馬來西亞及新加坡華人，係農曆新年既特色賀年食品，寓意「風生水起」及「越撈越旺」! 餐廳最近就特別推出呢一個咁具特色既食物，有得食之餘，仲可以成班朋友一齊動手撈起食物，氣氛一流!呢份「撈起」材料非常豐富，除左有青瓜、紅蘿蔔、白蘿蔔、紅黃綠甜椒、紫椰菜外，更有
📍地址：金鐘金鐘道88號太古廣場LG1樓002號舖
💰價位：～$200 - $400
⏰營業時間：星期一至日 11:30 - 15:00 / 17:30 - 22:00
📱電話：2803 7881
想享受傳統味道而又充滿驚喜既粵菜? 今日就約左一班朋友，黎到位於金鐘太古廣場既「Auntie AYI @wellwellwell」，等我就帶大家一齊穿越古今啦~
適逢農年新年將至，餐廳特別推出「鮑魚 ‧ 三文魚撈起套餐」，我地一於應下節，揀左呢個套餐試一試~
🌟鮑魚 ‧ 三文魚撈起六人套餐🌟
🔹南非鮑魚 ‧ 三文魚撈起
🔹紅棗螺頭燉雞湯
🔹金沙大蝦碌
🔹清蒸老虎斑
🔹發財瑤柱脯伴玉掌
🔹懷舊芝麻糖脆皮雞
🔹賀年錦繡炒飯
🔹陳皮紅豆沙湯圓
———————————————————
🔹南非鮑魚 ‧ 三文魚撈起
「撈起」來自於馬來西亞及新加坡華人，係農曆新年既特色賀年食品，寓意「風生水起」及「越撈越旺」! 餐廳最近就特別推出呢一個咁具特色既食物，有得食之餘，仲可以成班朋友一齊動手撈起食物，氣氛一流!
呢份「撈起」材料非常豐富，除左有青瓜、紅蘿蔔、白蘿蔔、紅黃綠甜椒、紫椰菜外，更有南非鮑魚及三文魚等高級食材~值得一提既係餐廳員工全程會負責及帶領整個撈起儀式，按程序講返有意頭既說話，我地成個過程都好興奮好開心!
———————————————————
🔹紅棗螺頭燉雞湯
呢款燉湯夠哂足料~餐廳用左螺頭、北芪、黨參等藥材及瘦肉去燉雞，湯頭十分清澈之餘，飲落味道夠哂濃郁，正~
———————————————————
🔹金沙大蝦碌
呢道菜式夠哂惹味~餐廳特別揀選虎蝦，將其煎至外層脆卜卜，再混合咸蛋黃快速炒制而成，蝦身充滿咸香味，金黃色仲好搶眼添~
———————————————————
🔹清蒸老虎斑
值得一讚老虎斑蒸既火喉及時間掌握得岩岩好~魚肉入口嫩滑，搭配埋餐廳特調既豉油及蔥花，更能突顯魚既鮮甜味~
———————————————————
🔹發財瑤柱脯伴玉掌
非常有意頭既賀年菜式! 用料有髮菜、大大粒瑤柱、豆苗同埋主角鵝掌~我就特別鍾意瑤柱! 煮至入味又帶點嚼勁，鮮味十足!
———————————————————
🔹懷舊芝麻糖脆皮雞
呢款係餐廳主打菜式，制作過程繁複，心機菜之一! 餐廳特意以芝麻糖造型擺盤，賣相夠哂精緻~
每塊雞皮沾滿芝麻粒，食落啖啖都充滿芝麻香氣，雞肉亦好新鮮嫩滑，大推!!
———————————————————
🔹賀年錦繡炒飯
炒飯好高質! 飯粒夠哂乾身，蛋汁包滿飯粒呈金黃色~配料用上帶子肉，再加上蔥花粒等，食落好滿足!
———————————————————
🔹陳皮紅豆沙湯圓
最後當然要食返個寓意團圓既湯圓啦~紅豆沙甜而不膩，搭配芝麻蓉湯圓好夾，正~
———————————————————
🔹特色飲品 - 老陳皮冰糖燉檸檬
心思思試埋餐廳既懷舊飲品haha~我就揀左好滋潤既老陳皮冰糖燉檸檬，暖胃同時又散發陣陣陳皮香氣，飲落甜甜地夠哂滋潤!
———————————————————
😋味道：4/5
🏢環境：4.5/5
💁🏻♀️服務：4.5/5
💵價錢：4/5
🤟🏻性價比：4/5
———————————————————
👅整體小總結
特別一讚餐廳既裝修，古色古香得黎又帶點摩登既感覺，好有穿越feel!食物方面亦無得彈，無論擺盤、菜式設計及味道都好有水準！岩哂同屋企人/朋友黎呢度歎返餐高質既中菜!
張貼
