影片
更多
2021-09-05
178 瀏覽
「快啲啦！又甩咗啦你！」「識唔識玩架你😂」「唔識就咪同老娘鬥啦！」我對住果住友咁講。「知道大小姐無敵手啦！」「我都係去返玩推銀。」果條洩晒氣講。我即刻叫住佢「喂啊！係唔係咁唔玩得啊？」點知佢回頭一笑「仲唔俾我玩返你一次，鬼叫你打機咁勁咩！」「咩啫，又係你話要同我一齊打機既！」我啤住佢話「而家係唔係咁唔玩得先？」佢好明顯嚇親咁既樣，真係好好笑🤣🤣🤣「專貴既大小姐，係我錯啦！」「細佬有冇可以做啲咩補償返啊？」佢個誠懇樣真係好搞笑😆 同佢一齊總係有一總無盡快樂感！或者呢啲就係叫做鐘意？我決定對佢話「如果有人請我去打邊爐，可能我會開心返掛！」你條友夠膽激嬲我？食返你一餐先！「俾五分鐘你搵地方。」我話。「其實呢！我已經book左樓上馬辣啦！」佢繼續講「唔知點開口，但係呢啲係唔係叫心靈相通？」點解佢會知既？塊面有啲熱，點算？「鬼得閒同你心靈相通啊？」「仲唔快啲帶本小姐去？」我即刻背住佢行去出口度。嘩！個門口多人到呢！明明都成10 點幾架啦，個大堂都仲係逼到咁⋯⋯⋯⋯「唔洗擔心喎，我真係book 左架！」佢對住counter 講「book 左兩份10 點！」「人齊。」跟住個侍應生入去見到好多野食啊！
「快啲啦！又甩咗啦你！」「識唔識玩架你😂」
「唔識就咪同老娘鬥啦！」我對住果住友咁講。
「知道大小姐無敵手啦！」「我都係去返玩推銀。」果條洩晒氣講。
我即刻叫住佢「喂啊！係唔係咁唔玩得啊？」
點知佢回頭一笑「仲唔俾我玩返你一次，鬼叫你打機咁勁咩！」
「咩啫，又係你話要同我一齊打機既！」我啤住佢話「而家係唔係咁唔玩得先？」
佢好明顯嚇親咁既樣，真係好好笑🤣🤣🤣
「專貴既大小姐，係我錯啦！」「細佬有冇可以做啲咩補償返啊？」
佢個誠懇樣真係好搞笑😆 同佢一齊總係有一總無盡快樂感！或者呢啲就係叫做鐘意？
我決定對佢話「如果有人請我去打邊爐，可能我會開心返掛！」
你條友夠膽激嬲我？食返你一餐先！
「俾五分鐘你搵地方。」我話。
「其實呢！我已經book左樓上馬辣啦！」佢繼續講「唔知點開口，但係呢啲係唔係叫心靈相通？」
點解佢會知既？塊面有啲熱，點算？
「鬼得閒同你心靈相通啊？」「仲唔快啲帶本小姐去？」我即刻背住佢行去出口度。
嘩！個門口多人到呢！明明都成10 點幾架啦，個大堂都仲係逼到咁⋯⋯⋯⋯
「唔洗擔心喎，我真係book 左架！」佢對住counter 講「book 左兩份10 點！」「人齊。」
跟住個侍應生入去見到好多野食啊！到底果條友係點知我想食嘢架？一陣要問清楚佢先！
「一於叫個鴛鴦湯底啦！仲有兩碟牛肉兩碟豬肉。」我命令佢講「喂！同我出去拎啲丸啊！」
係佢再講嘢之前，我已經起身出左去。或者有人會問唔使睇住啲銀包電話咩？
在座既都係香港人，有齊屬於我們自己既印記！大家都可以用手足相稱，絕對唔會有鼠竊狗偷行為。
「喂！見唔見到啊？特別推介墨魚春卷，仲有榴連雪條」「幫我拎十個！」我繼續扮嬲咁講。
「係既！大小姐！」佢恭恭敬敬回應。
我已經餓到打晒鼓「試下先。」「嘩！個墨魚春卷好似食緊墨魚咁既！好重墨魚味，完全唔覺得佢係丸黎！」
「仲有個湯底好濃郁好香，啱晒最愛辣既我。」佢講完就想放塊肥牛落去。
邊個話俾你食架？氹返本小姐之前都係睇住我食啦。
「唔準食喎你！叫你請我食啫，又冇人叫你一齊食！」我得戚咁話。
點知突然之間有個唔睇路既白衫人撞咗埋嚟，佢手上既豉油潑向我身上面！
果條友即刻推開我，將我攬實！啲鼓油就係咁浸滿晒佢上衣！
「大小姐冇事？」佢好嬲咁對住白衫咁講「咩環境呀？望都唔望就走出嚟見人就撞！」
我未見過佢咁嬲，起碼喺我面前永遠都係傻仔！只會引我笑既佢～
見到佢咁緊張我，真係好感動！
結果，白衫人幫我哋埋左張單賠罪。我哋去換左件衫再返黎食。
「大小姐，咁我英雄救美左啦！」「可唔可以食嘢啊？」佢問。
「食啦，嗱俾塊豬你試吓啦！」「擘大口啦！」我夾起一舊豬放喺佢個口前面。
唔知咁算唔算對佢既回應呢？
「啲肉好鬆軟，同個湯底好夾！」「真係配合得好好呀，就好似我哋兩個咁！」
我哋同時間望住枱上面嘅榴槤雪條，並且用最快嘅速度食完！
彼此嘅對望就好似講緊「好正！」「估唔到呢度打邊爐咁好食，而且甜品都非常之唔錯！」
馬辣！真係好值得我哋再去回味既地方。呢度除咗有好野食之外，仲有一個屬於我哋兩個開始嘅故事！
大小姐記
張貼
