湯底9揀1，我地揀咗壽喜燒，4個人都係分一個鍋，好似唔係好抵。不過每人有一隻蛋。個湯底都唔錯，食到尾都仲有味，蔬菜吸咗個湯好夠味。而且隻蛋好香蛋味，都唔錯。
1
火鍋配料好集中，不過又唔會太多人逼。
近門口位有蕎麥麵，日式葛絲，番茄麵，可惜番茄麵無番茄味。
隔離有豬紅，硬豆腐，蔬菜有多款選擇，包括涼瓜，黑木耳，蟲草花，南瓜，白蘿蔔，鮮冬菇，韭菜，翠肉瓜，番茄，雪耳，翡翠苗，蕃薯，花生芽菜，生菜，紹菜，芋絲，山根，豆卜，粉絲等。新鮮程度正常。麵食有烏冬，日本拉麵，蕃薯粉。
1
隔離都有大大煲日式咖哩和牛，可以配白飯。日式咖哩和牛都有唔少牛肉，質素當然就麻麻，配料都有洋蔥同紅蘿蔔。
丸類有10款，包括多汁牛筋丸同貢丸，都唔錯，都有芝士腸同腸仔，其他大部份都係炸魚蛋既朋友，包括芝士炸魚蛋，芝士炸墨魚柱，流心芝士炸魚蛋，炸魚餅，炸魚蛋麻糬，炸魚蛋芋頭等。總之唔會想食太多。
附近有更多蔬菜，包括炸芋頭，油墨菜，羽衣甘藍，皇帝菜，年糕。
甜品係軟雪糕機，有兩款口味，包括阿粟軟雪糕同原味乳酪雪糕。
雪糕有10款配料，包括紅豆，荔枝爆爆珠，玄米，可可脆片，軟糖等同兩款醬。
雖然乳酪雪糕唔算太好食，不過都可以，玄米脆米特別香口，可可脆片都好脆。
個人就唔太鍾意粟米雪糕口味。
飲品有汽水機同雪櫃包裝飲品，包括陽光蜜瓜味荳奶，陽光菊花茶，健康工房飲品兩款如海底椰同罐裝sparkling water同啤酒。
醬料吧都係自助。呢度有辣蘿蔔蓉，其他好似正常。
枱上有清湯比你自己加。環境上張四人枱都好闊落，個爐同個鍋都夠力。不過服務員態度認真麻麻，聽到佢哋對其他客人都係呼呼喝喝。性價比黎講，呢個價錢食菜同乳酪雪糕都食到飽飽，算抵食既，丸類質素就過得去啦。
