影片
更多
2006-01-14
17 瀏覽
去幫襯是因為好鍾意食火鍋同日本棻的男朋友生日而且見個舖頭名得意就姑且一試。前晚七點搭一入座，裝修真係唔錯喎，當時食客人數唔多，兩個人被安排坐係寬敞的釘書釘型的奶白色梳化，所以第一印象同感覺十分良好！檯面上居然重已經擺定一盤共九種用玻璃杯裝注唔同的醬料，其中有沙茶醬、辣椒醬、辣椒粒、蔥碎、蒜蓉醬、日本芥辣，更包括有XO醬呢！(註:我只係預早一日打電話去book位，重可以book非吸煙區呀...)侍應服務很體貼又週到，我坐低一陣D侍應已主動幫我斟茶，到點好菜後又主動幫我同男朋友落日本芥辣係醬油碟上，見鍋D湯少亦不時會主動加添；有D可惜係開始客多之後D侍應比較顧此失彼，連原先已經擺定檯面上個盤醬料都一聲不響捧走，雖然臨近食完火鍋，但咁樣問都唔問一下個客重需唔需要就顯示佢地好無禮貌之餘亦唔識尊重個客喎！又曾經好魯莽咁撞落檯旁邊一張同檯一樣高的茶几，好彩張茶几放於通道，雖然未有撞跌張茶几，不過可能張茶几放近我男朋友個邊，所以嚇到佢叫起來。除此小瑕疵之外，食物質素同室內環境氣氛皆令人感到非常滿意同滿足(註:至於點菜名單請詳閱附件。)當然，男朋友想黠油甘魚剌身時話無就實在激親佢。吞拿魚一般但劍魚好爽
前晚七點搭一入座，裝修真係唔錯喎，當時食客人數唔多，兩個人被安排坐係寬敞的釘書釘型的奶白色梳化，所以第一印象同感覺十分良好！檯面上居然重已經擺定一盤共九種用玻璃杯裝注唔同的醬料，其中有沙茶醬、辣椒醬、辣椒粒、蔥碎、蒜蓉醬、日本芥辣，更包括有XO醬呢！(註:我只係預早一日打電話去book位，重可以book非吸煙區呀...)
侍應服務很體貼又週到，我坐低一陣D侍應已主動幫我斟茶，到點好菜後又主動幫我同男朋友落日本芥辣係醬油碟上，見鍋D湯少亦不時會主動加添；有D可惜係開始客多之後D侍應比較顧此失彼，連原先已經擺定檯面上個盤醬料都一聲不響捧走，雖然臨近食完火鍋，但咁樣問都唔問一下個客重需唔需要就顯示佢地好無禮貌之餘亦唔識尊重個客喎！又曾經好魯莽咁撞落檯旁邊一張同檯一樣高的茶几，好彩張茶几放於通道，雖然未有撞跌張茶几，不過可能張茶几放近我男朋友個邊，所以嚇到佢叫起來。
除此小瑕疵之外，食物質素同室內環境氣氛皆令人感到非常滿意同滿足(註:至於點菜名單請詳閱附件。)當然，男朋友想黠油甘魚剌身時話無就實在激親佢。吞拿魚一般但劍魚好爽甜！
火鍋料中只有小魚蛋size的蟹子蝦丸份量較多，有成廿粒，不過蟹子幾乎睇唔到囉，呢款味道一般。雪花肥牛、水鱔片同秦菜餃統統不錯，只係份量按價錢計算係貴哩。
等男朋友無傷風無病時再趁機去一次就可以試多D其它的菜式。
張貼