影片
更多
2006-04-11
9 瀏覽
一年前已經試過Tiffin,一年後再黎睇下有什麼唔同。環境無變,朱古力噴泉無變,鋼琴都無變.....食左:焦糖燉蛋、芝士tart、幾款朱古力(有金箔架!!)、蘋果金寶,芋頭西米露(個透明焗盅好靚)呢幾樣比較普通,試過算數;今次d水果好似少左,連皺皮瓜都唔係好甜,不過baby話士多啤梨就幾得手,以下d自己比較鐘意:tiramisu係一盤任筆,幸好客人都係好斯文有禮,所以都唔會搞到好核突,味道頗芝,但無乜酒味,都唔覺有手指餅bor,唔知係咪我自己筆唔到呢;紅豆綠茶蛋糕,外型由卷變為cut cake,蛋糕仍然鬆軟,紅豆cream絕對食到紅豆味,呢個有encore;窩夫好香好厚身,廚師哥哥十分好禮貌,呢度加晒分!!加埋糖漿,超讚!! 不過食一件真係會好飽,幸好有baby一齊share,咁就可以試多樣。上次咸點只有芝士/麵包/餅乾,今次有進步,有焗三文魚卷,呢個咸點真係幾ok! 酥皮卷住火腿再卷三文魚,味道好夾,但多食會漏。加左杯超大檸檬茶,真係好大杯!!五星級酒店真係檸檬茶都要靚,檸檬上面有塊薄荷葉,成個look當堂唔同左!!!聰明的史路比只加左少量糖水,所以食左幾多甜品都唔滯,嘿嘿~~~雖然
食左:焦糖燉蛋、芝士tart、幾款朱古力(有金箔架!!)、蘋果金寶,芋頭西米露(個透明焗盅好靚)呢幾樣比較普通,試過算數;今次d水果好似少左,連皺皮瓜都唔係好甜,不過baby話士多啤梨就幾得手,以下d自己比較鐘意:
tiramisu係一盤任筆,幸好客人都係好斯文有禮,所以都唔會搞到好核突,味道頗芝,但無乜酒味,都唔覺有手指餅bor,唔知係咪我自己筆唔到呢;
紅豆綠茶蛋糕,外型由卷變為cut cake,蛋糕仍然鬆軟,紅豆cream絕對食到紅豆味,呢個有encore;
窩夫好香好厚身,廚師哥哥十分好禮貌,呢度加晒分!!加埋糖漿,超讚!! 不過食一件真係會好飽,幸好有baby一齊share,咁就可以試多樣。
上次咸點只有芝士/麵包/餅乾,今次有進步,有焗三文魚卷,呢個咸點真係幾ok! 酥皮卷住火腿再卷三文魚,味道好夾,但多食會漏。
加左杯超大檸檬茶,真係好大杯!!五星級酒店真係檸檬茶都要靚,檸檬上面有塊薄荷葉,成個look當堂唔同左!!!聰明的史路比只加左少量糖水,所以食左幾多甜品都唔滯,嘿嘿~~~
雖然價錢頗貴,但有五星級環境、服務,又可以舒服地攤係梳化度同朋友傾下計,真係好正!!
張貼
