一家

營業中

休息中

可能比較少有人專登去筲箕灣咁遠去食餐便飯，不過呢間「一家」係好值得一去，已經連續幾年拎到必比登了。一家醬鴨前菜先嚟一份招牌醬鴨，上海料理傳統菜式。用祕方老滷汁慢火燉燒，鴨身嫩滑。海鮮全家福水餃以為水餃皮唔同色但內餡一樣，原來幾粒都內有乾坤，唔同餡料，有鯪魚肉、海鮮粒，味道豐富。魚湯浸水東芥菜水東芥菜吸收咗魚湯嘅味道，加上金華火腿調味，有咸鮮味。一家蔥油白切雞呢個都係佢哋嘅招牌菜式，白切雞係新鮮雞，有雞味。蔥粒多到蓋過成碟雞，攞嚟撈飯或者撈麵，非常之好食。棗泥拉糕棗泥糕好高質素，新鮮即製，需時10分鐘左右。型格大叔｜滋潤養生茶型格大叔其實係汽水，內有巨峰提子同菠蘿。養生茶竟然有原隻香梨，成碗滋潤糖水咁。