加多娜天然酵母手作麵包店

營業中

休息中

如果星期一至六大約4:30經過油麻地就會嚟買麵包布甸。一定一定要焗返熱嚟食，麵包皮脆，入邊甸丁微暖係超好食，$23買到無添加additives嘅麵包布甸真係超值。甜味比較：原味（比較甜）》黑芝麻牛奶 》綠茶 所以唔想咁甜最好食綠茶，綠茶裏面仲有兩舊麻薯好煙韌🤤🤤，仲有少少綠茶嘅苦澀味，咁先係重綠茶味！黑芝麻牛奶布甸都正㗎！黑芝麻同牛奶味都好平均，牛奶下面嗰層有黑芝麻布甸，好滑🤤🤤。係比綠茶味甜少少啦！希望嘉多娜開多啲分店啦！佢其他麵包都好好食，每次買唔到咁多，因為冇擺添加劑嘅包類都唔敢放咁多日。