影片
更多
2024-10-16
654 瀏覽
從來都無劣評過一間餐廳，但呢一間真係離譜！明白而家飲食業都好難做，諗嚟諗去都覺得要寫出嚟俾其他食客借鑑，亦要俾管理層睇到。仔仔三歲生日，見到呢間咁多好評所以第一次嚟試下，之前都係食其他韓燒餐廳多。結果剩係落單都搞到一肚氣！我哋五大一小，睇menu嘅時候二人餐一張menu，四人餐係另一張menu，睇唔到，職員亦無主動推介過，所以叫咗個二人餐加其他肉仲有熟食，諗住食物到咗食咗一半再叫。職員覆緊order時，我哋先發現到有四人餐，仲要有埋我哋額外叫嘅肉，所以同職員講我哋想由二人餐轉四人餐，點知個職員話要同廚房check吓係咪已經上咗菜？！我從未試過落緊單嘅時候，會同我講已經上咗菜？！跟住2分鐘後上一碟生肉俾我哋，就話上咗就冇得改，所以嬲嬲地，之後只係追加熟食，完全唔再叫生肉，點知家人聽到有職員話我哋剩係叫二人餐？！其實我哋叫二人餐加生肉已經接近四人餐價錢，仲要份量少咗，仲要未計熟食，我食完飯聽返家人講真係幾嬲，慶祝生日搞到咁掃興！呢間餐廳職員仲要唔係好樂意幫手燒大大塊個啲肉，我哋嘅爐加咗三至四次爐邊蛋同芝士，就同我哋講唔會再加俾我哋，乜唔係無限追加嘅咩？我相信都係某部份嘅職員有問題，但如果管
明白而家飲食業都好難做，諗嚟諗去都覺得要寫出嚟俾其他食客借鑑，亦要俾管理層睇到。
仔仔三歲生日，見到呢間咁多好評所以第一次嚟試下，之前都係食其他韓燒餐廳多。結果剩係落單都搞到一肚氣！
我哋五大一小，睇menu嘅時候二人餐一張menu，四人餐係另一張menu，睇唔到，職員亦無主動推介過，所以叫咗個二人餐加其他肉仲有熟食，諗住食物到咗食咗一半再叫。職員覆緊order時，我哋先發現到有四人餐，仲要有埋我哋額外叫嘅肉，所以同職員講我哋想由二人餐轉四人餐，點知個職員話要同廚房check吓係咪已經上咗菜？！
我從未試過落緊單嘅時候，會同我講已經上咗菜？！跟住2分鐘後上一碟生肉俾我哋，就話上咗就冇得改，所以嬲嬲地，之後只係追加熟食，完全唔再叫生肉，點知家人聽到有職員話我哋剩係叫二人餐？！其實我哋叫二人餐加生肉已經接近四人餐價錢，仲要份量少咗，仲要未計熟食，我食完飯聽返家人講真係幾嬲，慶祝生日搞到咁掃興！
呢間餐廳職員仲要唔係好樂意幫手燒大大塊個啲肉，我哋嘅爐加咗三至四次爐邊蛋同芝士，就同我哋講唔會再加俾我哋，乜唔係無限追加嘅咩？
我相信都係某部份嘅職員有問題，但如果管理層重視長遠利潤收入同餐廳reputation，真係有需要好好研究員工訓練。
亦勸喻大家嚟呢間餐廳，唔好對佢哋嘅服務有期望，慶祝晚餐就可免則免，我下次都係會揀返其他高質餐廳慶祝生日，呢一次係因為未齊人慶祝先上網搵一間食個晚飯，真係後悔。
張貼