粵品川

營業中

休息中

肥妹仔今晚去咗朋友屋企玩，晩餐好朋友仔提議落呢一間商場嘅粵品川度食，因為佢嘅價錢親民，而且份量好大份，深受呢度嘅街坊歡迎。白胡椒酸菜烤魚 $213肥妹仔叫咗個白胡椒酸菜烤魚，上枱嘅時候忍唔住話咗一聲叫出來，真係超級大份！除咗有成條烤魚之外，仲有海量嘅配菜例如蓮藕片，薯粉，炸薯仔，娃娃菜，豆腐，豆皮等等，真係誇張啲講，四個人先啱啱好食得晒！佢嘅魚肉好滑，炸完再上，所以食落去好香口。魚肉有嗰浸好香嘅魚油味，白胡椒好香，同酸菜好㗎夾，攞嚟撈飯一流。腐乳通菜$72又係一疊好大碟嘅菜，好有鑊氣，啲菜冇渣夠新鮮。酥脆胡麻蝦球 $126呢一個炸蝦球又係超級好食！蝦肉新鮮爽口彈牙，而且好大隻。酸酸甜甜嘅芝麻醬入邊溝咗少少芥末醬，食落去微微攻鼻，超級好食。如來羅漢齋炒麵 $84肥妹仔眼闊肚窄叫埋呢一個炒麵，不過叫完之後一啲都唔後悔，因為佢個羅漢齋料夠多，而且啲菜係炒得夠爽口，個面底炸得非常好香脆，淋上惹味嘅芡汁超級好食。