華嫂冰室 (棉登徑) (已搬遷) 新店位置

之前食過幾次都係食灣仔分店，今日咁岩喺尖沙咀，經過見到唔使排隊，所以就可以食好耐都冇食過嘅檳城喇沙！今日碗喇沙好有水準，個湯超濃真係想成碗湯飲晒！但係可能啱啱起身冇幾耐第一餐唔係太好胃口，所以冇食晒成碗，真係好晒呀！豆卜吸哂啲湯一咬落去係口入邊爆炸，真係好正！雞翼超入味，食多三隻都仲得！不過其中一隻雞翼有幾條好大條嘅雞毛，雖然覺得有少少核突但係唔食咪得囉。我好死板，我食開喇沙就淨係食喇沙，未試過番茄湯同芫荽湯，不過聽講都好好食。