通達食店

營業中

休息中

早2日喺油麻地出job，咁岩喺呢間舖附近，其實每次經過都好想試下佢嘅油渣麵，咁岩今次有機會就入左去食。首先黎左份魚蛋，$10/6粒唔算平，但真係好好食！唔會好似出面果啲咁冇味。第一次食油渣麵，$30碗，原來碗麵係完全唔油！啲豬油好爽口，湯底麵好好飲，有少少炸蒜，最估唔到係個麵底，我以為係烏冬，食落原來係一種好爽口嘅麵底！真係好特別，真心推薦！由於太好食，我第二日都係黎多次食油渣麵😂 平時好少可同一樣野食2日，但呢個堅好食冇後悔。