影片
更多
2022-05-23
6392 瀏覽
早前朋友轉了新工，又遇上放寬晚飯時間，正好約出來聚舊。地點就選來方便就腳的圓方 Mango Tree。之前一家人曾經試過套餐，性價比相當不錯，今次轉了 a la carte，又可以試下其他菜色。未開餐，先跟太太點了飲品等朋友。講到視覺效果，當然係 Rose Apple Delight（$70），以蘋果汁、玫瑰糖漿及青檸，再放上玫瑰沙冰，色澤艷麗，陣陣玫瑰花香，芳香怡人。至於太太的 Thai Sangria（$80），特意改了免白蘭地版，單純以Chardonnay、芒果及橙汁混和，呷了一口，充滿熱帶風情，甜度亦不算高，加上切碎的蘋果片，不錯。另外兩位朋友選擇了 Coconut Martini（$90）。飲品類方面，第二杯不含酒精成份飲品只須加$10，而含酒精成份則只須另加$20，算起來平均$40/杯，相當划算。泰式小食拼盤（$368）有泰式炸蝦餅、泰式炸魚餅、炭燒豬頸肉、班蘭葉嫩雞卷以及軟殼蟹米紙卷共五款。招牌泰北燒雞（$198/半隻）皮薄肉嫩，雞皮燒得好香口，最開心係隨菜附上一小籠糯米飯，味道又幾夾。黃咖哩軟殼蟹（$248）想食蟹，但又怕食到蟹殼，又或者懶得拆蟹，不如轉食軟殼蟹吖！啖啖
早前朋友轉了新工，又遇上放寬晚飯時間，正好約出來聚舊。
地點就選來方便就腳的圓方 Mango Tree。
之前一家人曾經試過套餐，性價比相當不錯，今次轉了 a la carte，又可以試下其他菜色。未開餐，先跟太太點了飲品等朋友。
講到視覺效果，當然係 Rose Apple Delight（$70），以蘋果汁、玫瑰糖漿及青檸，再放上玫瑰沙冰，色澤艷麗，陣陣玫瑰花香，芳香怡人。
至於太太的 Thai Sangria（$80），特意改了免白蘭地版，單純以Chardonnay、芒果及橙汁混和，呷了一口，充滿熱帶風情，甜度亦不算高，加上切碎的蘋果片，不錯。
另外兩位朋友選擇了 Coconut Martini（$90）。飲品類方面，第二杯不含酒精成份飲品只須加$10，而含酒精成份則只須另加$20，算起來平均$40/杯，相當划算。
泰式小食拼盤（$368）有泰式炸蝦餅、泰式炸魚餅、炭燒豬頸肉、班蘭葉嫩雞卷以及軟殼蟹米紙卷共五款。
招牌泰北燒雞（$198/半隻）皮薄肉嫩，雞皮燒得好香口，最開心係隨菜附上一小籠糯米飯，味道又幾夾。
黃咖哩軟殼蟹（$248）想食蟹，但又怕食到蟹殼，又或者懶得拆蟹，不如轉食軟殼蟹吖！
啖啖肉又不怕比碎殼刺傷，黃咖喱的辣度輕盈，太太呢類怕癢又怕痛，想食又怕辣既人就最啱，尤其是用麵包蘸咖喱汁食更是人間美味。
泰北亨利鴨（$188）其實可以話係咖喱鴨，辣與甜的比例啱啱好，鴨肉煮得夠稔又入味，都係果句，醬汁拌白飯一流。
馬拉盞炒椰菜苗（$118）一向覺得用馬拉盞炒菜份外覺得惹味，更何況椰菜苗好有嚼口，我鍾意。
芒果蟹肉炒飯（$138）油份瀝得好清，吃得出粒顆分明，芒果肉及蟹肉鮮甜味美，中間又夾雜了提子乾，口感豐富，作為單尾，個人幾滿意。
泰式甜品拼盤（$198）甜品不想那麼多，乾脆來個拼盤算了，內裡有香芒糯米飯、泰式斑蘭千層糕、翡翠西米丸子及椰汁西米糕四款，都是一些大路的甜品。
班蘭糕黏性好強，但似乎欠了層次；較討好反而係椰汁西米糕，椰子味濃，但感覺輕盈。
跟朋友說說笑笑，無須趕在10點前快快趣走，的確輕鬆不少。
張貼
