漁獲浜燒 (已結業)

今次去食銅鑼灣既漁獲浜燒🐠🦞一入到門口，即刻聞到海水味，原來大門口有個大魚缸養住啲龍蝦，未食都已經知道會好新鮮😝呢間舖頭真係好旺場，閒日夜晚都好full，大家記住book💕今次食左【波士頓龍蝦活貝浜燒盛盒】，盛盒有波士頓龍蝦、活北寄貝、活帆立貝、活鮑魚✨呢到有樣野好正🤣煮之前店員會將一隻超生猛嘅龍蝦放上枱比我地影相📸️因為佢太活躍，我想捉住佢影相都唔得🤣🤣之後仲有海鮮大合照，然後佢就會拎去隔離個爐到即刻燒俾你食🤩🤩一路睇，我就一路食住魚生🥰呢間舖係會每日新鮮運日本魚黎香港，所以魚生真係特別鮮甜。今次食左六款刺身。最令我一食難忘既係佢既拖羅，睇羅去已經知道佢油脂分佈超平均，食落口真係好重油脂香味，連個嘴唇都好似搽咗潤唇膏咁💄食完刺身，岩岩好就燒好啲鮑魚同貝類🐚 帆立貝好大隻，分左兩種口味：蒜味同清酒。因為浜燒火力好足，所以帆立貝肉質仍然好juicy，非常鮮味。龍蝦就會開2邊燒，佢地仲會用自己調既蛋黃醬一齊燒，一上枱已經聞到好香。 龍蝦肉質彈牙，仲有好多龍蝦膏，啖啖肉好滿足🥰🦞除左燒海鮮，呢度既牛舌同海膽炒飯都好出色，記住留肚食😝😝食完咁多野最後食埋日本黎既檸檬雪葩🍋真係完美既句號🥰🥰