影片
更多
2016-04-26
4976 瀏覽
今年生日，屋企人同我去慶祝揀咗一間一路都好想食嘅餐廳，0係觀塘嘅艾朗如心酒店。呢間餐廳新開嘅時候已經好多好評，終於有機會比我一試啦一般嘅自助餐通常都食到好飽，今次特登揀呢間係因為佢用半自助嘅形式。除咗沙律吧，冷盤，刺身，海鮮吧外，佢會有一個主菜，主菜都有幾多選擇架。一去到，被安排左一個角落嘅座位，好清靜，好舒適。當然即刻去攞長假蟹同生蠔啦！生蠔係澳洲品種，雖然細隻但係好新鮮、好清甜、蠔味十足。長腳蟹都好有蟹味，但係就略嫌細左少少。刺身款式唔多，好肥美。簡單來講，冷盤方面呢間酒店做得好出色！跟住我哋每人點左一款主菜，我點左《燒羊架》，而媽咪就點左《燒牛扒》。係我哋充滿期待之際，主菜就出事啦 羊架我叫左五成熟，因為我不嬲都食得生嘢，唔鍾意食太熟既肉。點知一上到黎，個羊架成個刺身咁，只係得表面脆脆地，裏面啲肉呢仲係生既。至於屋企人個牛扒，本來都係叫五成熟，就變咗well done，一啲粉紅色都冇。熟咗嘅牛扒已經冇得救喇，羊架唯有叫佢幫我再煮一煮啦。點知佢問我係咪要七成，唔係要五成。完全冇發現自己個五成根本就錯晒 最後出到嚟係佢聲稱七成嘅羊架，唔講生熟程度，食落口冇乜羊味，只係有比較香嘅香草味
今年生日，屋企人同我去慶祝揀咗一間一路都好想食嘅餐廳，0係觀塘嘅艾朗如心酒店。呢間餐廳新開嘅時候已經好多好評，終於有機會比我一試啦
一般嘅自助餐通常都食到好飽，今次特登揀呢間係因為佢用半自助嘅形式。除咗沙律吧，冷盤，刺身，海鮮吧外，佢會有一個主菜，主菜都有幾多選擇架。一去到，被安排左一個角落嘅座位，好清靜，好舒適。
當然即刻去攞長假蟹同生蠔啦！生蠔係澳洲品種，雖然細隻但係好新鮮、好清甜、蠔味十足。長腳蟹都好有蟹味，但係就略嫌細左少少。刺身款式唔多，好肥美。簡單來講，冷盤方面呢間酒店做得好出色！
跟住我哋每人點左一款主菜，我點左《燒羊架》，而媽咪就點左《燒牛扒》。係我哋充滿期待之際，主菜就出事啦
羊架我叫左五成熟，因為我不嬲都食得生嘢，唔鍾意食太熟既肉。點知一上到黎，個羊架成個刺身咁，只係得表面脆脆地，裏面啲肉呢仲係生既。至於屋企人個牛扒，本來都係叫五成熟，就變咗well done，一啲粉紅色都冇。熟咗嘅牛扒已經冇得救喇，羊架唯有叫佢幫我再煮一煮啦。點知佢問我係咪要七成，唔係要五成。完全冇發現自己個五成根本就錯晒
最後出到嚟係佢聲稱七成嘅羊架，唔講生熟程度，食落口冇乜羊味，只係有比較香嘅香草味。而牛扒都係一樣有小小肉味，但係就冇牛味。兩個主菜都完全唔係酒店嘅質素。呢個半自助餐，前半部份的確令我哋好興奮。但係主菜呢就驚多過喜喇！
做得半自助餐，主菜應該係主打，點知主菜絕對令人失望，連一啲小型嘅西餐廳都比唔上。雖然主菜實在幾失敗，但由於佢既自助沙律吧同海鮮吧實在好出色，價錢都唔係太貴，如果有心食蠔食海鮮嘅都可以去試吓既！所以我都唔俾喊喊喇！
張貼
