一瀧 (已結業)

一直都鍾意食日本嘢,比較慳家嘅我最常食嘅日本嘢就 係日式放題,因為價錢平得來選擇比較多!適逢情人 節,都想食返餐好啲嘅，今次就專誠搵左間好啲又高質 素嘅日本餐廳拍拖食飯，呢間餐廳係朋友介紹，餐廳裡面都有好多位日式料理師傅，而其中有兩位仲係黎自日本福岡嘅日式料理師傅𠻹～先講個環境,我哋餐廳係好大間，有分幾 Part,又最出 邊嘅人啲四方形枱燈,然後中間位置入少少會有唔同嘅 卡位,然後再行入少少令一邊會有私人嘅房,啱返唔同 人是需要搵返合適嘅位置。 再講講食物方面 今日主要點左廚師發辦手握壽司七貫 + 北海道馬糞海膽刺身，另外再點咗一盤壽司食加多杯特色飲品。海膽刺身味道超多濃海膽味！仲要完全唔會有雜味，好似係日本先食到嘅新鮮味道啊，超級推介海膽！另外想讚番杯特飲好特別啊，佢上面好似個水昌球咁有幻彩色，一飲落去就會穿左然後冇左個氣球波波，好得意，我個人覺得味道有小小似益力多，哈哈。總結想講下其實食野都真係一分錢一分貨，可以平時食開平民價日本放題，間唔中食下廚師發辦都已經好滿足！