影片
更多
2021-09-07
86 瀏覽
無試過堂食每次都係叫foodpanda用8折所以唔肯定以下質素同堂食有無分別——————————————————小食類試過以下1. 蜜椒雞翼 (7.5/10)雞翼香脆、炸得剛剛好，只有好輕微既辣提味，回返兜2. 桂花蜜雞翼 (6/10)雞翼同上，但覺得桂花蜜同佢雞翼本身既醃料唔夾3. 脆香櫻花蝦餅 (6/10)外賣黎到唔脆，而且有d滲油。蝦味唔明顯，靠醬汁加返唔少分4. 黑松露煙燻糖心蛋 (8/10)好香有蛋白，蛋黃亦剛剛好唔會太流心。美中不足覺得黑松露有d太搶戲，畫蛇添足——————————————————以下係試過既麵類1. 蕃茄滑蛋豬扒濃湯米線 (7/10)蕃茄味濃郁好味，好食過連鎖店。滑蛋外賣到過黎已經唔滑，豬扒大大舊，呢個價位肉質可接受。如果可以去骨/切開一件件會更方便食用就更佳2. 招牌海龍王湯米線 (1/10)湯有海蝦味，但超級咸！而且蜆有沙，帶子正常，龍蝦肉質超級梅，唔新鮮！3. 滋補黃酒煮雞湯米線 (8.5/10)完全就係藥膳既湯底，飲過去會好舒服！鍾意台式藥膳既會鍾意。雞件本身有醃過，肉質滑，而且無雪味。4. 桃膠椰子雞湯米線 (9/10)呢個係最常食既湯底！雞既味
每次都係叫foodpanda用8折
所以唔肯定以下質素同堂食有無分別
——————————————————
小食類試過以下
1. 蜜椒雞翼 (7.5/10)
雞翼香脆、炸得剛剛好，只有好輕微既辣提味，回返兜
2. 桂花蜜雞翼 (6/10)
雞翼同上，但覺得桂花蜜同佢雞翼本身既醃料唔夾
3. 脆香櫻花蝦餅 (6/10)
外賣黎到唔脆，而且有d滲油。蝦味唔明顯，靠醬汁加返唔少分
4. 黑松露煙燻糖心蛋 (8/10)
好香有蛋白，蛋黃亦剛剛好唔會太流心。美中不足覺得黑松露有d太搶戲，畫蛇添足
——————————————————
以下係試過既麵類
1. 蕃茄滑蛋豬扒濃湯米線 (7/10)
蕃茄味濃郁好味，好食過連鎖店。滑蛋外賣到過黎已經唔滑，豬扒大大舊，呢個價位肉質可接受。如果可以去骨/切開一件件會更方便食用就更佳
2. 招牌海龍王湯米線 (1/10)
湯有海蝦味，但超級咸！而且蜆有沙，帶子正常，龍蝦肉質超級梅，唔新鮮！
3. 滋補黃酒煮雞湯米線 (8.5/10)
完全就係藥膳既湯底，飲過去會好舒服！鍾意台式藥膳既會鍾意。雞件本身有醃過，肉質滑，而且無雪味。
4. 桃膠椰子雞湯米線 (9/10)
呢個係最常食既湯底！雞既味道同上，佢配料仲有蟲草花同桃膠。蟲草花水準不一，試過好入味亦都試過麻麻。桃膠會有少少黑點，唔知叫唔叫正常，不過佢其實超級細粒，你唔專登搵係唔會食到既。
最推介係佢既椰子雞湯，超級濃郁，同埋可以講係掛到麵既！外賣黎到望落好油，但食落只會覺得滿滿既椰子雞味，唔會有油膩感！好味過坊間唔少打邊爐既湯底！
以上既麵仲有得轉其他麵類，試過薯粉係正常。烏冬口感係急凍烏冬個重彈牙，但要加好多錢轉我就未必會再試，畢竟米線同大部分湯底都比較夾。
—————————————————————
特別要讚呢間鋪既外賣包裝得好好，叫過幾次都無問題！叫炸野會有剪開口排氣，叫麵類亦會分湯
呢間鋪我覺得又唔係好食到要山長水遠入紅磡食，不過作為住附近既人就回去食！
張貼