大興餐廳 (第尾牛扒)

營業中

休息中

平時行過路過，都一直想試下呢間第尾牛扒，但每次上去都因為比較多人排隊而放棄食呢間，今日早收工，就諗住同女朋友一齊去試下，六點鐘多小小，上到去唔係太多人，入到去探完熱 到我坐底，啲樓面都好似啞左咁，雖然係無乜人，好多位姐，我問多句坐邊都唔答人。坐底見到本mean同張晚餐餐牌，就問下同一個名既西冷牛扒有咩分別，到底係份量多啲定係牛肉靚啲，問左第三次呀姐先好唔耐煩咁答我，結果我叫左mean貴小小但聲稱肉靚啲既西冷牛扒，三成熟跟牛尾湯同雜果賓治。牛尾湯: 無乜特別 都唔算難飲。餐包: 正常。雜果賓治: 正常。西冷牛扒: 三成熟牛扒 都做到三成熟，但太多根同無乜肉味，只有脂肪位置比較有油香味，肉既位置 如果我合埋眼食，會感受到快餐式西冷既味道，黑椒汁第一啖入口唔錯，配上炸定既薯條，佢個黑椒汁比起出面係Ok的，可惜愈食愈咸，可能第一啖肚餓。服務質素:可見員工係度做野係非常之唔開心，又唔係特別多客特別忙，點解個樣可以黑到咁，對每枱客人都係咁差既態度，呢間餐廳唔止要改善食物質素，最主要員工質素都要改善，我剛剛食完 咀都未抹，個呀姐就黎收走佢，仲用我枱面張全新紙巾黎抹枱，唔係咁趕時間掛。