東興小食

營業中

休息中

傍晚經過大角咀，記得之前見過有間食煎釀三寶嘅小店，晚飯前當小吃就啱哂。去到小店前，已經有幾位人客等緊，即刻走去剔紙仔落單。呢間小店嘅煎釀三寶係落單後，即釀魚肉，即炸，所以都需時，好在排咗10分鐘就有得食。煎釀三寶（$30/9件）魚蛋，純魚肉，唔算好大粒，咬落彈性不錯，口感膠膠哋，食得到魚肉夠足料；豆腐、茄子、冬菇，都釀咗合適份量嘅魚肉，味道亦可以；雲吞皮雖然好鬆脆，但得極少魚肉，唔抵食。炸燒賣（$10/8粒）炸得不錯，外面微脆，中間仍然軟糯，加咗椒鹽，更加惹味。整體還可以，如果咁啱經過大角咀+唔使等好耐，可以一試。