犇道 Chef Ben- Cafe & Steak Bar (弦海) (已結業)

今日又係孤獨食，個個唔係番屋企就有約，自己一個可以食好啲嘛！係弦海呢間犇道，有河境睇，而且裡面都有靚裝食。好，坐低睇下有咩好食先。大蒜薯蓉湯，叫special dinner 會有餐湯和沙律，個湯大蒜味唔多，反而薯蓉味好濃厚，飲落仲有粒粒薯蓉。前菜沙律都幾特登，跟個焗香脆法包，蔬菜有黑椒所以有微微辣。北海道帶子墨魚汁忌廉扁意粉，超大粒北海道帶子，又爽又甜，上面有三文魚子。扁意粉掛滿墨魚汁，食落好creamy，食到咀仔黑蚊蚊，哈哈！韓國柚子茶，最後飲番杯暖笠笠柚子茶潤一下，孤獨食得好治癒。