中記

營業中

休息中

好耐無去灣仔，自己一個又唔知可以食乜，去灣仔駱克道街市嘆下一個人的時間。好懷念呢度嘅所有嘢，以前係呢頭返工，窮嘅生活就係去呢度，快靚又正。人都係咁多，之前一放lunch即刻飛出，先可能有位。今次試佢嘅湯飯，比我想像中多料揀，我揀左蝦，鯪魚球，田雞，豬膶。加埋凍飲都係50元。好大碗，料都算多。湯都算清，田雞肉都唔錯，豬膶唔伏，鯪魚球都多同香口。整體都ok，我食唔哂個飯，最衰無叫少飯，最啱一個人唔知食咩個陣叫。