和牛割烹小田

營業中

休息中

小田和牛炭燒昆布生牛肉片做頭盤，牛肉片薄到誇張，開始欣賞師傅刀功，入口即化，炭燒火喉好旺，為肉質增添咗絲絲嘅煙燻香味，但又唔會搶咗本身鮮嫩嘅味道。主菜和牛咖哩飯係呢餐午餐嘅靈魂所在。金黃色咖哩汁均勻咁掛喺每一粒飯度，咖哩味道溫和得嚟又唔失特色，既有深度又唔會太濃，好好咁襯托咗和牛嘅風味。和牛粒煮到好林，表面微焦，入面依然保持住多汁嘅口感，輕輕一咬就能夠感受到肉質嘅細膩同埋油花嘅香醇。溫泉蛋嘅加入為呢道咖哩飯增添咗一份特別嘅口感。蛋黃半流動嘅狀態啱啱好，輕輕攪拌後同咖哩飯融為一體，增添咗一份濃郁嘅奶香同埋滑順嘅質地。米飯嘅烹煮都好講究，粒粒分明又唔失軟糯，充分吸收咗咖哩嘅味道。每一啖都食到米飯、咖哩、和牛同埋溫泉蛋嘅味道。