滾得囍宮廷秘藏鍋物

營業中

休息中

今日我同朋友去咗北角食飯，依一間店舖已打邊爐作為賣點，係北角都已經開業咗一段時間。餐廳嘅環境非常之衛生，位置亦都好寬敞，適合同朋友一齊嚟食飯。湯底方面，有唔少嘅選擇，當中嘅花膠雞鍋，就比較吸引我。手切牛肉牛肉採用嘅係本地牛，肉質幼嫩，脂肪比例唔算太高，入口唔會覺得好肥膩。蟹粉豚肉餃餃子皮非常之薄，豚肉入口有香濃嘅肉香，油脂味頗為突出。鮮蝦丸入口即刻食得出有啖啖的蝦肉，蝦肉入口爽口彈牙，鮮味十足。竹蔗茅根入口清甜可口，正好可以解解油膩。整體嚟講，餐廳嘅食物質素唔錯，環境裝修得幾靚，食物選擇亦都好多。