海街丼 (海濱匯)

營業中

休息中

觀塘海濱滙1樓新開了這間日本過江龍「海街丼Umimachidon」，久仰大名，之前的分店是在將軍澳及北角，現在觀塘開了第三間分店，啱晒我呢啲九龍人。餐廳以日系裝修，環境舒適。餐廳標榜所有海鮮都係每日新鮮由日本築地市場直送運到。所以今日一定要點一個三文魚親子丼！職員細心向我們講解食法：1）先將豉油同芥末混合來吃刺身2）再將特製嘅啫喱狀壽司醋融入米飯，酸酸甜甜特別好味3）最後從小壺倒出鮮魚秘製嘅「魚介出汁」，加上芝麻紫菜等混合成茶漬飯一丼三食，多重享受又健康！而其實熟食也同樣出色，我點了一個鰻魚滑蛋定食，小朋友亦非常喜歡，大讚好味道！