家嫂一家大小

營業中

休息中

上星期日，冒名去尝试呢一间午市火锅放题。坐低無耐，有职员介绍点样食法，不过之前上网都睇过，略知1、2。首先就係自动上咗几款前菜小食，包括酸薑皮蛋、哈多士……不过呢几款小食，都冇乜驚喜。跟住上咗1个4人但份量很少的鸡煲，话实啲鸡就炆得唔入味，口感一般般，内有豬皮同蜆，但蜆就又细又有沙。食完之后就上咗1个一次性的刺身拼盘，每人每样得一件，但只得几款刺身，质素比一般日式放题店差。最后就係食火锅，叫咗个招牌汤底，但啲味道就有D伏，感觉係罐头清鸡汤好过佢好多，仲有个海鲜拼盘就不知所谓。个职员都知道有D唔对版，立刻问我哋想加乜嘢海鲜。火锅配料冇太多选择，只得几款海鲜，连个职员都唔清楚要出去望下是日海鲜嗰张贴纸，另外有三色丸、炸鱼皮、薯粉、支竹……几款。连最普通嘅牛柏叶、牛肚、猪膶、鸡、魚……都冇。次次要叫个同事过嚟落单，又冇得剔纸仔或者用QR code 落单，非常不方便。好难讲，呢个做法，無非控制到每台供应量，可以達致节省成本。总括嚟讲，呢间食肆一年365日都唔转款式同食材，光顧完一次，我会觉得冇乜新意，以后都可以唔使再去。