影片
更多
2024-06-12
144 瀏覽
前星期幫襯過大王東街嘅老虎，今次就輪到隔離街、位於廈門街嘅呢隻老虎。呢間拉麵店曾經俾Youtuber介紹過，風頭一時無兩，加上座位唔算多，所以嚟得一係預咗等，一係就避開放飯時間就最划算喇。店內老虎眾多，除咗有以豬骨湯為湯頭嘅白虎、秘製蝦味噌配櫻花蝦嘅海老虎、黑蒜油配濃豬骨湯嘅黑虎等等外，仲有呢款啱晒夏天食嘅檸檬拉麵。🍋檸檬拉麵 ($108)首先，強烈建議拉麵店為佢改番一隻老虎名，咁先至襯番其他拉麵老虎架嘛，哈~~😆無聊完，入正題！拉麵店師傅喺自家製嘅豬骨湯中加入秘製檸檬醬，味道有啲似食檸檬雞翼嘅醬汁咁，清新得嚟帶少少酸，但又鹹鹹地，中和番平時齋豬骨湯嘅油脂感。如果想再清新啲？ 亦可按個人喜好篤吓拉麵面頭嘅新鮮檸檬片自行調校湯底嘅酸度。🥟餃子 ($48)一份有6隻，即叫即煎，隻隻外表煎至金黃色，入邊就包住豬肉同蔬菜絲，正常水準，不過不失。
呢間拉麵店曾經俾Youtuber介紹過，風頭一時無兩，加上座位唔算多，所以嚟得一係預咗等，一係就避開放飯時間就最划算喇。
店內老虎眾多，除咗有以豬骨湯為湯頭嘅白虎、秘製蝦味噌配櫻花蝦嘅海老虎、黑蒜油配濃豬骨湯嘅黑虎等等外，仲有呢款啱晒夏天食嘅檸檬拉麵。
🍋檸檬拉麵 ($108)
首先，強烈建議拉麵店為佢改番一隻老虎名，咁先至襯番其他拉麵老虎架嘛，哈~~😆
無聊完，入正題！拉麵店師傅喺自家製嘅豬骨湯中加入秘製檸檬醬，味道有啲似食檸檬雞翼嘅醬汁咁，清新得嚟帶少少酸，但又鹹鹹地，中和番平時齋豬骨湯嘅油脂感。如果想再清新啲？ 亦可按個人喜好篤吓拉麵面頭嘅新鮮檸檬片自行調校湯底嘅酸度。
🥟餃子 ($48)
一份有6隻，即叫即煎，隻隻外表煎至金黃色，入邊就包住豬肉同蔬菜絲，正常水準，不過不失。
張貼
