影片
更多
2022-07-10
663 瀏覽
同朋友慶祝生日🎂，再嚟呢間阿叔上年嚟過一次、估唔到短短半年時間話咁快就開分店嘅新派廚師發辦餐廳🍣。新店位於中環嘅FOCO，感覺面積比尖沙咀原店大啲，店內裝修繼續以華麗型格😎設計為主，同樣地用上好多名貴家品⚱️、餐具🍽，十足十一間小型名店家具博物館咁，當中阿叔就最鍾意嗰幅以hermes絲巾整成嘅掛畫🌉同埋一入門口嘅堅果水晶燈，絕對係女士們嘅至愛，打卡一流。📸裝飾擺設夠豪華，呢度嘅菜式同樣誇啦啦😇！皆因今次佢哋為迎接新店開業，特別推出不一樣、非傳統嘅「飽參翅肚」料理😲。咪以為自己食緊中菜🥢嘅廚師發辦？咁你就錯啦，💻網上搵資料，呢度嘅主廚主打日、法烹調，再配合世界各地嘅頂級時令食材，所以堪稱「新派 · 廚師發辦」！😋今次食到嘅21道菜式中，除咗壽司🍣外，更有多道賣相精緻、創意度爆燈💡，包保你食得驚喜嘅創意特式料理🍱。所以個人覺得嚟呢度食飯係唔可以同傳統日式廚師發辦比較，皆因呢度唔單止食到優質時令食材，更重要係食主廚嘅用心同頭腦創意。🧠 🍝肝醬鮑魚麵，以蝦子麵作底，面頭再加上爽口彈牙嘅鮑魚同味道濃郁嘅魚子醬，非常矜貴嘅賣相😍，難怪主廚叫呢度菜為高貴版嘅「鮑魚撈粗」。食之前，記得撈均用上鮑魚肝煮成
裝飾擺設夠豪華，呢度嘅菜式同樣誇啦啦😇！皆因今次佢哋為迎接新店開業，特別推出不一樣、非傳統嘅「飽參翅肚」料理😲。咪以為自己食緊中菜🥢嘅廚師發辦？咁你就錯啦，💻網上搵資料，呢度嘅主廚主打日、法烹調，再配合世界各地嘅頂級時令食材，所以堪稱「新派 · 廚師發辦」！😋
今次食到嘅21道菜式中，除咗壽司🍣外，更有多道賣相精緻、創意度爆燈💡，包保你食得驚喜嘅創意特式料理🍱。所以個人覺得嚟呢度食飯係唔可以同傳統日式廚師發辦比較，皆因呢度唔單止食到優質時令食材，更重要係食主廚嘅用心同頭腦創意。🧠
🍝肝醬鮑魚麵，以蝦子麵作底，面頭再加上爽口彈牙嘅鮑魚同味道濃郁嘅魚子醬，非常矜貴嘅賣相😍，難怪主廚叫呢度菜為高貴版嘅「鮑魚撈粗」。食之前，記得撈均用上鮑魚肝煮成嘅肝醬，味道更添惹味。🤤🤤🤤
🔮海參水晶球：餐廳用上海參之首嘅關東遼參同土佐酢做成水晶球，食嘅時侯要配埋日本水雲同三文魚子，鮮味會更提升。😋😋😋
🐟香煎魚翅配雞濃湯 espume：魚翅煎香後脆樂樂，配上以日本赤雞🐔熬製而成、而且味道濃郁嘅雞濃湯泡沫作底，完全改寫平時做節時食雞翅嘅口感同味道。😘😘😘
🦀蟹湯 · 花膠：呢度嘅白花膠經過冷泡方式浸發，聽主廚講呢種做法比其他方法更能鎖住膠質。另外，花膠配以日本毛蟹🦀烹調而成嘅蟹湯，花膠吸收晒蟹湯汁嘅精華同味道，入口更鮮甜。😏😏😏
☝🏽最後，提提大家，餐廳耐唔耐就會轉menu，聽佢哋講呢款期間限定嘅「鮑參翅肚」將會提供埋呢個星期，想體驗呢度咁有驚喜、非傳統嘅料理，咁就要好好把握最後機會喇！😉😉😉
———————————————
張貼
