影片
更多
2024-11-22
330 瀏覽
近日冬風起，氣溫下降❄️，聖誕又快到🎄，梗係要食啲暖笠笠又有節日氣氛嘅嘢啦。而小編第一時間諗到就係芝士火鍋！🫕不過據聞傳統版本嘅芝士火鍋酒味好重同幾貴下，所以就嚟Pizza Hut試吓呢個比較親民嘅Cheesy 芝味鍋。佢哋嘅芝士火鍋單點都係$149起，有2人鍋同4人鍋選擇，部分配料亦可額外加點。🤤佢哋嘅芝士火鍋以三重芝士炮製，今年加＄20仲可以升級至龍蝦芝味鍋🦞，加＄19又可以升級做黑松露醬芝味鍋，真係可以用親民嘅價格，有奢華嘅享受。😚食評 ✍️龍蝦芝味鍋（4人鍋）單點$279（+$20)🦞🫕Pizza Hut嘅芝士火鍋用三重芝士製成，唔會有酒味，佢嘅芝士味非常濃郁，亦唔會過鹹。🙌小編今次仲加咗＄20升級至龍蝦芝味鍋，佢嘅龍蝦味濃得嚟唔過搶，仍然係芝士味為主，尾段先有龍蝦味慢慢滲出。🦞呢個芝士醬底仲有樣好勁嘅地方，就係可以瘋狂拉絲，由頭拉到尾！睇住啲食物拉晒絲真係特別療癒～🤩4人鍋除咗單點，仲有追加價，68折咗只係$189！芝士火鍋4人鍋嘅配料有以下幾款：-法包粒-墨西哥脆餅-車打芝士粒-煙火雞片-大蝦-香脆雞粒-車厘茄-烤翠玉瓜-烤白菌小編建議一開始可以食咗啲味濃嘅食物先，例如煙火雞片
食評 ✍️
龍蝦芝味鍋（4人鍋）單點$279（+$20)🦞🫕
Pizza Hut嘅芝士火鍋用三重芝士製成，唔會有酒味，佢嘅芝士味非常濃郁，亦唔會過鹹。🙌小編今次仲加咗＄20升級至龍蝦芝味鍋，佢嘅龍蝦味濃得嚟唔過搶，仍然係芝士味為主，尾段先有龍蝦味慢慢滲出。🦞呢個芝士醬底仲有樣好勁嘅地方，就係可以瘋狂拉絲，由頭拉到尾！睇住啲食物拉晒絲真係特別療癒～🤩4人鍋除咗單點，仲有追加價，68折咗只係$189！
芝士火鍋4人鍋嘅配料有以下幾款：
-法包粒
-墨西哥脆餅
-車打芝士粒
-煙火雞片
-大蝦
-香脆雞粒
-車厘茄
-烤翠玉瓜
-烤白菌
小編建議一開始可以食咗啲味濃嘅食物先，例如煙火雞片、香脆雞粒、法包粒、芝士粒呢啲。👨🏫因為呢啲食材本身都有調味，初初食配芝士醬就啱啱好。😌另外真係要讚一讚法包粒，蒜香非常突出，加埋芝士蒜蓉根本係不敗組合。😎而且麵包粒口感偏硬脆，配上芝士等佢淋返少少再食就啱啱好。香脆雞粒就啱啲食肉獸朋友，脆卜卜又啖啖肉，點埋芝士，極級邪惡。😈
等醬底煮耐咗，芝士味會愈來愈濃，呢個時候食味道比較清新嘅大蝦同蔬果就可以消滯解膩。🥦小編特別推薦烤翠玉瓜，爽脆多汁，而且廚房輕輕烤過，微微香氣搭配芝士醬，作為收尾啱啱好～🥒
味道：8.3/10
飲品
- 雜錦水果冰茶 🍓🍎🫖
呢杯飲品都幾有驚喜，水果嘅種類同份量比想像中多同豐富，茶底味道清香，唔會過甜，食芝士火鍋配佢嚟解膩啱啱好。🫶🏻
味道：8.2/10
- 朱古力曲奇咖啡冰 ☕️🍧
估唔到沙冰嘅咖啡味都幾香濃，但加上朱古力嘅甜味，唔會過苦。店家亦加咗忌廉，令口感更加厚身同滑。搭配Cheesy 芝味鍋，係冰火兩重天。🔥❄️
味道：8/10
抵食：8.2/10
服務：8/10
環境：7.9/10
張貼
