帶埋家姐Encore呢間位於尖沙咀嘅「韓脈」！
食過一次已經對佢念念不忘🤣
Menu超級豐富～BBQ、醬油蟹、炸雞、海鮮、豬手全部都有🤍
今次就被佢哋嘅50cm長嘅韓式雞蛋捲吸引到～
即刻Order挑戰一波😝！
⭐️50cm超長韓式雞蛋捲 $158
真喺足足有成隻手臂咁長！
蛋捲上滿滿嘅沙津醬&柴魚片，一入口味道似大阪燒～
但最驚喜喺！裡面竟然有泡菜❤️🔥！！
細妹本身已經清曬前菜碟嘅泡菜🤣
估唔到蛋捲裡面都有～濃郁蛋香配上微酸辣泡菜
味道意外地超夾！又可以中和返個辣味
不過本身味道已經好濃郁，個人覺得少啲啲醬會好啲🤣
⭐️醬油蟹&牛油飯 $250/ 1pc
細妹最愛嘅醬油蟹！食韓國餐廳一定會食～
原隻醬油蟹上枱，蟹膏超澎湃！
一下子將蟹肉&蟹膏加入牛油飯
撈勻後飯粒沾滿蟹膏精華，食落好滿足🤩
蟹肉鮮甜又唔會死鹹，必點！
（將飯加入蟹殼裡面再撈勻，一啲都唔好曬🦀！！）
⭐️韓燒雙拼．肉眼+西冷 $365/ 150g
最後再用韓燒雙拼作結～店員會幫手燒！
本身以為同一般肉眼差唔多，但佢喺韓牛喔～
肉眼同西冷油脂分佈均勻，肉質軟嫩多汁
簡單調味都已經好夠肉味！
🍹清新特飲 Lemon Ade、Grapefruit Ade
大大杯，解膩一流！
＝＝＝＝＝＝＝＝＝＝＝＝＝＝＝＝＝＝
家姐評分💜：8.5/10
細妹評分🩷：8.5/10
綜合評分：8.5/10
評語：今次體驗都冇令我哋失望，甚至有驚喜！
由前菜去到韓牛每一樣都相當高質
兩姊妹一致認為喺encore之選！
（細妹已經食第三次🤣🤣🤣）
