麵賜園 (已結業)

【 足料港式特色湯麵 】 🍜今日帶咗婆婆同哥哥去旺角食Lunch，見到呢間「麵賜園」係專營港式特色麵食，見到餐牌上d湯麵名已經覺得好吸引，所以就入去試下。🌃店內環境設計好有懷舊既感覺，配上牆上既霓虹燈，好啱打卡呢！💕安妮媽媽推介菜式 :💟 牛隊長湯麵牛骨湯湯底好香濃，麵既份量好足，有牛肋條、封門柳、牛肚和牛筋，全部都好重牛味，非常好味！配菜既蘿蔔好淋好入味。隨湯麵會附送一碟香脆花生，送麵食一流。💟 清清哋雞湯麵雞湯湯底好夠味，湯麵亦彈牙，餸菜有雞肉、冬菇、雲耳和菜心，清清哋好啱小朋友食。💟 荷葉海鮮蒸飯海鮮飯好足料，有好多海鮮 : 大大隻青口，大蝦和蟹柳，仲有粉絲，配飯食好開胃。💟 牛油果蝦多士多士好酥脆，配搭牛油果既蝦多士幾特別，原隻蝦好爽口，多士每件都好大塊，哥哥好鍾意食。💟 麥芽焦糖雞翼雞翼外皮炸得好香脆，有滿滿既麥芽，好甜好特別。💟 舞茸炒雜菌多款菇類，炒得好香好夠鑊氣，尤其係金菇，好爽口。🧃餐飲點了咸檸梳打、咸檸可樂和支裝既檸檬紅茶，清爽解渴。☕️我見餐廳既咖啡選擇好多，仲有本地高海拔咖啡，下次要帶好姊妹黎慢慢品嘗。