影片
更多
2024-12-24
663 瀏覽
【🐘泰象館｜一次愛上咗嘅泰菜😍】無乜胃口時總想起泰國菜，今次兩個唔係好肚餓嘅人去搵食，點知一試難忘，下次想要食4人餐！🥭青芒沙律其實淨係「沙律」呢個item都有版半紙餐牌😅我哋好認真咁諗咗好耐，最後返璞歸真，最簡單嘅芒果沙律！硬硬地有口感嘅青芒大量，廚師切成長條形，好啱咀型，加上辣椒紅洋蔥，好醒胃。.👍🏻泰式濕炒海鮮河經典泰菜，上枱時已聞到泰國嘅胡椒粉味，好開心係用上大大塊嘅河粉，河粉邊緣自然鋸齒紋，睇得出塊塊都親手撕開，有心機保留傳統，河粉先炒香到微燶邊，再加入醬汁和海鮮濕炒輕兜，我哋自己再嚟個大兜亂！好有儀式感！胡椒粉帶出整碟炒粉嘅靈魂，濕炒得嚟一啲都唔漿口，一切剛剛好，有鑊氣！.👍🏻蝦醬炒椰菜苗炒粉得，炒菜都好得！椰菜苗炒得軟身，油唔多，蝦醬嘅香又唔太鹹。.👍🏻金不換🌿菠蘿沙冰，鹹檸七金不換又稱九層塔、羅勒，加入菠蘿打成沙冰我都係第一次飲，清新嘅九層塔草青味與菠蘿嘅酸甜味混合出奇地夾！我會因為掛住佢而再嚟！🩷開心又滿意，同場見到其他食客點了4人餐，好吸引🤩期待下次約多幾個朋友嚟再食過！💚另外餐牌上有唔少素食選擇，貼心照顧到素食朋友
無乜胃口時總想起泰國菜，今次兩個唔係好肚餓嘅人去搵食，點知一試難忘，下次想要食4人餐！
🥭青芒沙律
其實淨係「沙律」呢個item都有版半紙餐牌😅我哋好認真咁諗咗好耐，最後返璞歸真，最簡單嘅芒果沙律！
硬硬地有口感嘅青芒大量，廚師切成長條形，好啱咀型，加上辣椒紅洋蔥，好醒胃。
.
👍🏻泰式濕炒海鮮河
經典泰菜，上枱時已聞到泰國嘅胡椒粉味，好開心係用上大大塊嘅河粉，河粉邊緣自然鋸齒紋，睇得出塊塊都親手撕開，有心機保留傳統，河粉先炒香到微燶邊，再加入醬汁和海鮮濕炒輕兜，我哋自己再嚟個大兜亂！好有儀式感！
胡椒粉帶出整碟炒粉嘅靈魂，濕炒得嚟一啲都唔漿口，一切剛剛好，有鑊氣！
.
👍🏻蝦醬炒椰菜苗
炒粉得，炒菜都好得！椰菜苗炒得軟身，油唔多，蝦醬嘅香又唔太鹹。
.
👍🏻金不換🌿菠蘿沙冰，鹹檸七
金不換又稱九層塔、羅勒，加入菠蘿打成沙冰我都係第一次飲，清新嘅九層塔草青味與菠蘿嘅酸甜味混合出奇地夾！我會因為掛住佢而再嚟！
🩷開心又滿意，同場見到其他食客點了4人餐，好吸引🤩期待下次約多幾個朋友嚟再食過！
💚另外餐牌上有唔少素食選擇，貼心照顧到素食朋友
張貼
