影片
更多
2022-12-09
167 瀏覽
終於食到間可以用「正」形容嘅燒肉店喇！食物選擇多到試唔曬，因為好味果啲食完又再食。店內環境舒適浪漫，掛上一個個天燈，入面啲文字仲好可愛㗎！其中一句係「希望所有事情都像長胖一樣簡單」，又有一句係「不吃人間煙火，只吃安平燒肉」，呢句真，真係要去試吓😆✨120分鐘吃到飽嘅任食燒肉放題有4款選擇，包括：▪️原住民鹽燒豬肉｜55款▪️安格斯嫩牛｜76款▪️SRF極黑牛｜95款▪️澳洲M5和牛｜103款✍🏻 /澳洲M5和牛吃到飽▪價錢：HK$388/位▪️美味指數：♥♥♥♥♥超豐富103款美食，好多款都好有台灣風味，包括「台灣小枕頭」、「士林小香腸」、「台灣鯛魚下巴」⋯呢個set每位仲會贈送2件「嚴選牛舌芯」添（另叫要額外收費HK$68/3條）！試得呢set當然要重點食「澳洲M5和牛」，雖然啲牛細細塊，但每款都係靚牛，油脂香醇🐮✨其他推薦食物▫️即食滷水涼拌鴨舌：終於突破心理關口，第一次食鴨舌，一食就食咗10件都有，真係好好食😆✨▫️原住民鹽燒肉：燒肉有啲厚度，鹽燒好香，可以由佢慢慢燒到金黃色再食。◽️黑椒洋蔥牛舌：特別附上份調味料，黑椒味嘅切粒洋蔥配牛舌真係唔錯！▫️屏東燒魚腹：個醬汁有啲似日式醬汁，好惹味。▫️台
120分鐘吃到飽嘅任食燒肉放題有4款選擇，包括：
▪️原住民鹽燒豬肉｜55款
▪️安格斯嫩牛｜76款
▪️SRF極黑牛｜95款
▪️澳洲M5和牛｜103款
✍🏻 /澳洲M5和牛吃到飽
▪價錢：HK$388/位
▪️美味指數：♥♥♥♥♥
超豐富103款美食，好多款都好有台灣風味，包括「台灣小枕頭」、「士林小香腸」、「台灣鯛魚下巴」⋯呢個set每位仲會贈送2件「嚴選牛舌芯」添（另叫要額外收費HK$68/3條）！試得呢set當然要重點食「澳洲M5和牛」，雖然啲牛細細塊，但每款都係靚牛，油脂香醇🐮✨
其他推薦食物
▫️即食滷水涼拌鴨舌：終於突破心理關口，第一次食鴨舌，一食就食咗10件都有，真係好好食😆✨
▫️原住民鹽燒肉：燒肉有啲厚度，鹽燒好香，可以由佢慢慢燒到金黃色再食。
◽️黑椒洋蔥牛舌：特別附上份調味料，黑椒味嘅切粒洋蔥配牛舌真係唔錯！
▫️屏東燒魚腹：個醬汁有啲似日式醬汁，好惹味。
▫️台灣鯛魚下巴：下巴好嫩滑，一定要試試！
▫️烤魚干：呢個必必必食，烤咗勁多條嚟食，仲有埋蛋黃醬點，正！
▫️烤豬肉乾：同烤魚干一樣正，燒完味道有啲似蜜汁豬肉干。
▫️爽彈虎蝦：望落都覺得新鮮啊～
▫️台灣小枕頭：其實係麻薯嚟～未燒前係一片薄薄嘅白色，遇熱會慢慢變到漲卜卜，咬落煙靭似年糕。
而飲品方面，除咗一般嘅汽水，呢度仲有幾款特色枝樽茶飲，我就試咗藍莓果茶，莓味都幾重，唔錯！不過原來呢度仲有得跟set落單叫手搖茶飲，「冬瓜茶」有得揀甜度，少甜就啱啱好，燒肉飲好似冇咁熱氣。除咗冬瓜茶，仲有好多火龍果肉嘅「紅火冰茶」同茶味濃嘅「百香果綠茶」🥤✨
食到最後，每位記得揀返1款Haagen Dazs雪糕喇！當日期間限定仲有士多啤梨味添～唔想食雪糕？唔緊要，呢度仲有台式「安平仙草芋圓」畀你揀，可惜當日太遲落單，結果賣曬試唔到喇🥹✨
張貼
