合利餐廳

營業中

休息中

【黃大仙區】【合利餐廳】收工後自己一個游離浪蕩，太夜都費事約人，自己搵啲嘢食吓。本身有啲想食串燒，但係感覺有啲 heavy，同埋都幾貴。見到呢間個樣幾傳統嘅茶記，就忍唔住走咗入去。不過我都喺門口就問定侍應有冇常餐，一陣佢哋淨係得啲炒粉麵嘅話，我又唔係好想。就食 $41 嘅「常餐」，件「火腿奄列」一般啦，加 $1 轉「牛油多士」都係合理茶記水平，加埋主食「五香肉丁通粉」同嘢飲「熱奶茶」，其實 $42 嚟講喺呢個年代都真係幾佛心，件事亦都真係好「香港」，所以我就決定坐多陣，叫多啲嘢食，支持吓佢哋。先叫 $20 嘅「法蘭西多士」，係幾香濃嘅花生醬西多，配埋舊版嘅糖漿，唔錯。之後叫 $11 嘅「西煎雙蛋」，價錢 okay，味道可以，茶記基本嘢。我仲有叫嘢飲，飲 $15 嘅「清香奶水」，沖得幾夠味，好邪惡。咁食法，都只係需要 $88，仲想點吖。。。（地址：新蒲崗衍慶街26號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #