合利餐廳

營業中

休息中

【黃大仙區】【合利餐廳】收工後自己一個游離浪蕩，太夜都費事約人，自己搵啲嘢食吓。本身有啲想食串燒，但係感覺有啲 heavy，同埋都幾貴。見到呢間個樣幾傳統嘅茶記，就忍唔住走咗入去。不過我都喺門口就問定侍應有冇常餐，一陣佢哋淨係得啲炒粉麵嘅話，我又唔係好想。就食 $41 嘅「常餐」，件「火腿奄列」一般啦，加 $1 轉「牛油多士」都係合理茶記水平，加埋主食「五香肉丁通粉」同嘢飲「熱奶茶」，其實 $42 嚟講喺呢個年代都真係幾佛心，件事亦都真係好「香港」，所以我就決定坐多陣，叫多啲嘢食，支持吓佢哋。先叫 $20 嘅「法蘭西多士」，係幾香濃嘅花生醬西多，配埋舊版嘅糖漿，唔錯。之後叫 $11 嘅「西煎雙蛋」，價錢 okay，味道可以，茶記基本嘢。我仲有叫嘢飲，飲 $15 嘅「清香奶水」，沖得幾夠味，好邪惡。咁食法，都只係需要 $88，仲想點吖。。。（地址：新蒲崗衍慶街26號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #

👍食物：雪菜肉絲炆米夠鑊氣, 奶茶及鴛鴦 一流。👍老細(男人)：十分客氣有禮。😡員工(短髮黑眼鏡女人,似係老闆娘)：**十級無禮!!**問佢收唔收八達通，竟惡然相向。 事後仲發悔氣走過嚟鬧“ 叫你畀現金，就畀現金啦”。 但找數時又嬲爆爆攞住個寫住“只收現金”嘅八達通機收錢 🤣佢一個人以鬧客為本嘅服務態度，連累 整體員工嘅服務質素評分，被減一星實在不值。強烈建議餐廳安排老闆娘外遊減壓， 以提高餐廳競爭力 💪

茶餐廳本身都唔會預佢好好食，尤其較舊式既茶餐廳。呢間茶餐廳既晚餐其實都幾抵食，因為全部都好大份，一個大碗湯，一個大碗白飯，同一碟餸，仲有一杯熱飲，不過味道偏鹹咯。今日叫左欖菜肉碎四季豆，啲肉碎同欖菜都比較鹹，所以都無食晒，飯後仲要勁口渴要灌水。

The food is typical Cha Chaan Teng food, but this one probably has the most friendly staff. Too bad I didn’t go and try sooner.Everyday, they have different dishes with special price. And it’s updated twice a day on their social media platform account. I often go there during lunch. And the lunch set comes with soup and drink. I think the soup taste better than a few other places that I’ve tried. You can really taste the broth, not so bland.One of the staff knows that I love chilli oil, and now

我地ㄧ般行到呢邊,都會去對面的茶餐廳食,但今次就想來ㄧ點不ㄧ樣,所以就泥對面既合利餐廳,只係ㄧ條馬路既距離,畫風卻截然不同,對面似大連鎖餐廳,而呢面就似做街坊生意,入到去每個客人入到去,都同服務生有傾有講,但都唔冷落新既客人,我地入到去服務生積極遞上餐牌,和介紹餐飲,我就叫左個常餐,價錢合理,有五香肉丁米,奄列同熱檸水,米粉我中意淋既,所以建議浸耐小小先食,奄列同檸水就無可挑剔,加埋呢到既濃厚的街坊情,ㄧ定會再泥💞

今日經過新蒲崗整啲嘢， 見到間茶餐廳好多人食咁就去試下， 雖然見到裏面啲枱好逼， 但係諗住咁多人食應該都會好味嘅。。。 點知今次錯曬雖然一個午餐先係36蚊， 凍飲加兩蚊但我叫咗呢個星洲炒米， 一黎到其實睇個樣已經唔討好， 食落啲米粉仲要好硬， 仲要冇乜咖哩味， 啲料又冇乜... 連最基本嘅蛋香都冇... 雖然呢度係平同埋夠大碟， 但係下次我就真係唔會再幫襯喇。。。仲有我叫左杯凍阿華田， 水吧真係落得太多水搞到冇乜阿華田味。。。。😭

今晚一家四口第一次來品嚐，叫了4道小菜，口水雞、咕嚕肉、節瓜粉絲、蒸黄花魚、西蘭花炒肉片，超好味，兩大兩小竟然清晒咁多餸，真是“滿肚”而歸。下次一定再來，還有老闆及侍應十分熱情招呼，充滿人情味！

雖然我係港女，但同其他港女有一樣野唔同，就係無論野食平定貴，只要好食我都中意食!我特別中意去茶記食!偶而一次既機會，之前去過合利餐廳食，自始之後就俾我bookmark左了!!今日3點3就去食個tea，食下佢既下午餐!炸雞脾+薯絛波浪形既厚切薯絛，炸至金黃，乾身脆口，咬落十分香軟!加上即叫即炸，上檯時仲夠哂新鮮熱辣，值得加分!雞脾打人牙骹軟...但宜隻雞脾絕對唔得了!雞脾炸得太乾身，令到雞肉唔夠滑嫩唔夠juicy!而且雞脾太鈿隻，骨大過肉，未可以做到啖啖肉既效果!

自從有次係宜間茶餐廳食過一次Lunch之後就愛上了~中意佢好味得黎，環境又唔會太up dum，重點當然唔少得佢個親民價喇!!今次就係TEA TIME既時段去，一嘗佢既下午茶餐!~order左個TEA SET: 西多+熱朱古力，enjoy~~~~西多炸得十分金黃，仲好熱燙呢!~面頭既牛油好快就俾熱溶喇!西多入口非常鬆軟，好香牛油味!!仲有...仲有...就係中間既花生醬非常多，Like 爆呀!!!!!

上完堂咁岩經過新蒲崗就去搵LUNCH食!~係門外伙計見我係度睇menu就十分熱情地推介有咩好食!係佢既熱情介紹下就入左去試，好彩都無中伏!午市套餐既鹽焗雞脾飯三十幾蚊十分吸引，又有野飲同餐湯送~雞脾斬件上鋪滿飯上，一啖入口雞脾啖啖肉，仲好滑嫩!!雞脾好香鹽焗味，但又唔會好太鹹!

茶記一向都係我的最愛!今次宜間茶記絕對值得下次再encore!!!下午茶既常餐$30，又抵食又大份!!火腿蛋十分香滑，但唔會好多油!火腿絲既份量十分多，而且切得大小均勻，入口口感豐富。主角既牛肉公仔麵十分好味，無令人失望!牛肉很入味，”索”哂沙嗲汁，肉質鮮嫩。公仔麵既生熟度掌握得好好，對比上次食既同區既荼記，水準十分高!!最後來杯餐熱0水，檸檬十分新鮮，唔會有澀味!!! 

由於收工時間經常好夜，所以夜晚要四圍搵飯食有次喺新蒲崗呢頭收工, 無野好食, 於是求其入一間試下誰不知一食, 就食足1年呢間茶餐龐嘅食物勝在夠住家好有阿媽屋企煮飯嘅感覺次次一去到, 阿姐已經非常自動波放低兩碗湯呢D例湯一般人都唔會飲, 因為認為係味精湯但呢間嘅例湯, 我唔排除廚房師傅有落味精, 但肯定唔係次次有仲要俾好多湯榨, 大大舊豬肉咁飲完湯坐多陣就有飯食其實我次次去親都一定會食蒸魚我以前係唔食魚的, 因為我好怕骨但呢到真係改變左我當然, 每次只限豉汁倉魚或烏頭, 因為比較少骨曾經試過豉汁鯇魚, 不過最好食都係倉魚好食在條魚食得出唔係死魚, 有鮮味而且次次食都好滑, 真係好味另一例牌菜係沙爹肥牛粉絲煲如果係冬天食仲正啖啖粉絲啖啖肉正！至於其他餸, 都有食過下蠔仔煎蛋, 蝦仁炒蛋, 鹹蛋蒸肉餅, 西蘭花鮮魷不過呢D就唔係話好驚喜, 一般水準之作

平時唔想煮, 最好不過去茶餐廳搞掂.呢間都係我試過....幾好既一間.佢有A-F是日晚餐, 都只不過係28蚊.其它的都係大約30-38蚊, 仲要係海鮮添.包例湯一大碗(足料), 小菜一碟, 白飯一碗.若凍或熱飲只係3蚊.我試過蒜蓉蒸蝦,椒鹽鮮魷好好味.仲有檸檬蒸烏頭都好好味.環境就一般啦, 有電視睇.埋單時個老闆好有禮貌, 笑晒.

新蒲崗茶餐廳多的是,但呢度是常幫襯的期中一間.環境唔可以話ok,但比那些懷舊餐廳光蜢很多.食物方面,又比那些有幾家分店的茶餐廳,好味很多,又其是呢度o嫁沙爹牛肉包,個包熱辣辣,D沙爹牛肉份量不少,咬落去因住比D沙爹汁盪親,加埋杯凍奶茶.可以埋單,走人.