侍元

營業中

休息中

【黃大仙區】【侍元】之前成日為咗做黃大仙區嘅 post，都會特登走入新蒲崗食嘢。然而，又的確係少做黃大仙站附近，住呢頭嘅朋友應該都會理解我嘅苦況，太多大集團嘢食，比較少寫大集團嘢嘅我係好難做。始終寫呢啲，都想寫得特別啲。喺黃大仙中心一條柱後面見到呢間日本餐廳，原來係間平價拉麵餐廳，睇啲價錢又真係幾親民，入去叫啲嘢食先。用 $64 叫咗個「侍元味噌拉麵」，即係「札幌風濃厚味噌豚骨湯拉麵」，食落正正常常，算係對得住個價錢嘅。加 $24 要咗「餃子套餐」，個餐就有「日式餃子」同「凍檸檬茶」，餃子有三隻，炸得都幾好。而杯凍檸茶係佢跟餐嘅，都幾好飲，當然佢都可以加錢轉其他嘢，不過第一次嚟，就飲返佢跟餐預設嘅嘢飲，體會都幾好嘅。唔算好飽之下，叫多件 $25 嘅「炸流心芝士蝦餅」，又幾得意，好似平時啲蝦餅咁，但係加咗少少芝士入去。夾埋食咗 $113 係冇加一嘅，始終由坐低到拎餐都係自己處理，自己去買嘢食跟住等餐，唔需要好多服務就冇所謂。。。（地址：黃大仙龍翔道136號黃大仙中心北館1樓N142號舖）#1amfoodie #foodie #hkfoodie #thatfoodiething #hkfo