Terrace in seaside (MOKO新世紀廣場)

營業中

休息中

韓國仁川過江龍海邊餐廳Terrace In Seaside最近進駐旺角MOKO新世紀廣場，終於可以方便就腳咁品嚐餐精緻嘅韓國菜。餐廳同韓國一樣主打休閒同開放式風格為主，好有清新嘅氣息，環境同以淺木色同植物元素為主調，好舒適。韓國螄蚶拌飯 螄蚶份量十足，螄蚶嘅鮮味同韓式辣醬嘅香辣味完美結合，飯粒沾上韓式辣油，色澤均勻，飯粒粒分明，味道微辣，好惹味，另外配有紫蘇葉、紫菜同埋大蝦，大蝦爽口彈牙，紫蘇葉味道清爽同薄荷有啲相似，紫菜同紫蘇葉可以包住螄蚶同埋大蝦一齊食，口感豐富。炸大魷魚伴炸醬麵 原隻炸大魷魚賣相非常吸引，魷魚份量夠大，魷魚炸得酥脆可口，另外炸醬麵好入味掛汁，好有韓國風味，味道偏甜，食完好滿足。柑橘窩夫伴雪糕 餐廳同韓國總店一樣，主打窩夫甜品同埋韓國濟州柑橘。窩夫賣相吸引，口感鬆脆，牛油味香濃，窩夫上面有層厚厚鮮忌廉，鮮忌廉口感香滑，韓國柑橘果肉肥美，味道甘甜出色，果汁豐富。酥脆雞胸軟骨 長條形雞胸軟骨好特別，雞軟骨炸至酥脆可口，外脆內軟，配埋蛋黃醬同埋沙律，清新去膩。濟州柑橘乳酪 用上濟州特產柑橘，新鮮柑橘果肉配上乳酪打製而成，味道微甜清新，清暑開胃，上面仲有成個柑橘裝飾好過癮。