影片
更多
2024-01-26
31 瀏覽
銅鑼灣希雲街有好多隱世美食小店，上次經過見到一間好有feel嘅日本串燒店就決定要同朋友嚟試下😊餐廳環境好舒服，仲有bar枱有多款sake🍶同酒，好啱同朋友一邊食串燒一邊飲酒傾計😉餐廳最吸引我係有好多稀有部位嘅串燒揀😍 如果你哋好似我咁鍾意試新嘢，一定要嚟呢間串燒店食吓啲稀有部位，好特別！🍶佐酒小食：雞泡魚乾 $88-最愛嘅佐酒小食，雞泡魚乾燒得香脆，食唔停口。芥末魚蛋 $48-Wasabi配上魚蛋口感新奇刺激😝 再配埋佢地自家製海苔燒海鹽，正👍🏼🐓雞：雞腎 $30雞翼 $36雞皮 $32雞軟骨 $30免治雞肉棒 $58-雞腎好爽口，火喉燒得啱啱好！免治雞肉棒夠晒大份，啖啖肉，最愛嘅串燒，必點🔥🐖豬：煙肉荔枝卷 $35燒沖繩豬手 $88-鹹味嘅煙肉配上甜荔枝，味道又出奇地夾喎！燒沖繩豬手，用咗沖繩醬汁調味，豬手好入味😋稀有部位：雞生蠔 $38雞腳筋 $33雞心邊 $30雞白子 $38手羽提登 $68-雞嘅稀有部位真係唔係間間串燒店都有，今次試咗好多都係第一次食😋 雞生蠔肉質嫩滑多汁，係雞背靠近大腿嘅兩塊小而圓嘅黑肉。-雞腳筋好爽脆，比雞軟骨口感更爽脆更有咬口！雞邊心食落有啲似雞腎，但個口
餐廳環境好舒服，仲有bar枱有多款sake🍶同酒，好啱同朋友一邊食串燒一邊飲酒傾計😉
餐廳最吸引我係有好多稀有部位嘅串燒揀😍
如果你哋好似我咁鍾意試新嘢，
一定要嚟呢間串燒店食吓啲稀有部位，好特別！
🍶佐酒小食：
雞泡魚乾 $88
-最愛嘅佐酒小食，雞泡魚乾燒得香脆，食唔停口。
芥末魚蛋 $48
-Wasabi配上魚蛋口感新奇刺激😝 再配埋佢地自家製海苔燒海鹽，正👍🏼
🐓雞：
雞腎 $30
雞翼 $36
雞皮 $32
雞軟骨 $30
免治雞肉棒 $58
-雞腎好爽口，火喉燒得啱啱好！免治雞肉棒夠晒大份，啖啖肉，最愛嘅串燒，必點🔥
🐖豬：
煙肉荔枝卷 $35
燒沖繩豬手 $88
-鹹味嘅煙肉配上甜荔枝，味道又出奇地夾喎！燒沖繩豬手，用咗沖繩醬汁調味，豬手好入味😋
稀有部位：
雞生蠔 $38
雞腳筋 $33
雞心邊 $30
雞白子 $38
手羽提登 $68
-雞嘅稀有部位真係唔係間間串燒店都有，今次試咗好多都係第一次食😋 雞生蠔肉質嫩滑多汁，係雞背靠近大腿嘅兩塊小而圓嘅黑肉。
-雞腳筋好爽脆，比雞軟骨口感更爽脆更有咬口！雞邊心食落有啲似雞腎，但個口感軟冧少少🤏🏼雞白子就好似迷李版嘅雞子，口感有啲似雞潤。
-手羽提登必試串燒，雞翼入面釀左已受精嘅雞蛋黃，即亦係卵巢。建議一口食晒，因為會爆汁😂 口感超豐富，好好食！
特色燒物：
燒雞皮餃子 $42
燒芝士年糕 $22
燒雞皮餃子，雞皮超級香脆，外脆內軟🤤 燒芝士年糕一啲都唔會膩，外脆內軟綿！
🦪海鮮：
廣島蠔（2隻） $78
啲蠔好大粒，燒到半生熟好肥美好creamy🤩
🍍野菜：
雞髀菇 $25
黑糖燒菠蘿 $42
去果日天氣好凍，呢度嘅經理仲整左杯 柑橘紅糖薑茶俾我地暖暖身，服務好好👍🏼
張貼